![](https://qarqaragazeti.kz/wp-content/uploads/2024/06/IMG-20240614-WA0002.jpg)
Ереуіл ауылының Жел Қарқара жайлауында Әлкей Марғұлан атындағы археология институтымен Абай атындағы Қазақ ұлттық педагогикалық университеті, Тарих және құқық факультетінің І курс студенттерінің археологиялық іс-тәжірибелік жазғы экспедициясы өтуде. Абай атындағы Қазақ ұлттық педагогикалық университетінің студенттері екі апта бойы осында археологиялық қазба жұмыстарын жүргізбек. Қазір қыз-жігіттер тарихи қорымдарды аршып, әр дәуірге тиесілі жәдігерлерді іздестіру үстінде.
Тахмина Абай атындағы Қазақ ұлттық педагогикалық университетінде тарих мамандығы бойынша білім алуда. Биыл студент оқу жылының алғашқы курсын тәмамдап, қатарластарымен бірге осында жазғы оқу тәжірибесінен өтуге келген. Бойжеткен археологиялық қазба жұмыстарына бірінші рет қатысып жатыр.
Жалғасбай Тахмина, студент:
-Тарих мамандығына оқып жатқандықтан бұл мен үшін өте қызық. Мен де жәдігерлерді өз қолыммен ұстап көргім келеді.
Археологиялық қазба жұмыстарына алпысқа жуық қыз-жігіт жұмылдырылған. Олар бір аптадан бері осы маңайды қазып, өткен ғасырлардың тарихына біртабан жақындай түсуде. Барлығының мақсаты бір. Осыдан бірнеше мың жыл бұрын көмілген заттарды тауып, археологиялық олжаға кенелу.
Экспедиция лагерінде аудан әкімі Нұрбақыт Молдахметұлы болып, тыныс-тіршілігімен танысты. Археологиялық іс-тәжірибе аясында, студенттер археологтар қатарына қосылып, археологиялық ант қабылдады. Айтулы шараға маслихат хатшысы Алмасбек Нұғыман, Қарқара ауылының әкімі Ернат Сатыбалдиев, тәжірибе жетекшілері тарих ғылымдарының магистрі, аға оқытушы Медет Азанбаев, тарих ғылымдарының кандидаты Дәулет Әбенов қатысты. Шара басталмас бұрын, Мемлекетіміздің Әнұраны шырқалды. Археологтардың дәстүрлеріне сәйкес, жұмысшылармен қоштасарда археологтардың қатарына қосу рәсімі орындалды. Рәсім барысында студенттер екі топқа бөлініп, түрлі кедергілерден өтетін қызықты ойындар өткізіліп, археологиялық ант қабылдады.
Нұрбақыт Теңізбаев,
Аудан әкімі.