Әлеуметтік қолдау сенім мен серпін
Қазан айының соңғы жексенбісі – біздің қоғамдағы ең жауапты да мейірімді мамандық иелеріне арналған ерекше күн. Бұл — жүрегі кең, жаны жомарт, адам тағдырына бейжай қарай алмайтын әлеуметтік қорғау жүйесі қызметкерлерінің кәсіби мерекесі.
Кеген ауданының «Жұмыспен қамту және әлеуметтік бағдарламалар бөлімі» мемлекеттік мекемесі – осы бағыттағы ауқымды жұмыстарды үйлестіріп отырған бірден-бір мекеме. Осыған орай атқарып жатқан жауапты әрі маңызды жұмыстары туралы тоқтала кету орынды.
Бөлімнің басты міндеті – аудан тұрғындарының әлеуметтік әл-ауқатын жақсарту, әлсіз топтарға мемлекеттік қолдауларды уақытылы жеткізу. Қазіргі таңда үйден әлеуметтік қызмет көрсететін бөлімше арқылы жалғызбасты қарттар мен мүмкіндігі шектеулі жандарға тұрақты түрде көмек көрсетіліп келеді. Бұл – тек көмек емес, бұл – өмірге деген сенімді қайтару.
Кеген ауданының «Жұмыспен қамту және әлеуметтік бағдарламалар бөлімі» мемлекеттік мекемесі 16 мемлекеттік қызмет көрсетіп, ауданның әлеуметтік – экономикалық дамуына өз үлесін қосып келеді. Атап айтқанда:
1. Мемлекеттік атаулы әлеуметтік көмек тағайындау;
2. Тұрғын үй көмегін тағайындау;
3. Жергілікті өкілді органдардың шешімдері бойынша мұқтаж азаматтардың жекелеген санаттарына әлеуметтік көмек тағайындау;
4. Мүгедек балаларды үйде оқытуға жұмсалған шығындарды өтеу;
5. Мүгедектерге протездік ортопедиялық көмек ұсыну үшін оларға құжаттарды ресімдеу;
6. Мүгедектерді техникалық (өтемдік) құралдармен қамтамасыз ету бойынша құжаттарды ресімдеу;
7. Мүгедектерді жүріп тұрудың арнайы құралдарымен қамтамасыз етуге құжаттарды ресімдеу;
8. Мүгедектерді және мүгедек балаларды санаторий-курорттық емдеумен қамтамасыз ету;
9. Есту кемістігі бар мүгедектерге ымдау тілі маманының қызметтерін ұсыну үшін мүгедектерге құжаттарды ресімдеу – жылына алпыс сағат;
10. Жүріптұруы қиын бірінші топтағы мүгедектерге жеке көмекшінің қызметтерін ұсыну үшін құжаттарды ресімдеу;
11. Семей ядролық сынақ полигонында ядролық сынақтардың салдарынан зардап шеккен азаматтарды тіркеу, біржолғы мемлекеттік ақшалай өтемақы төлеу, куәлік беру;
12. Медициналық әлеуметтік мекемелерде (ұйымдарда) арнаулы әлеуметтік қызметтер көрсетуге құжаттарды ресімдеу;
13. Үйде күтім көрсету жағдайында арнаулы әлеуметтік қызмет көрсетуге құжаттар ресімдеу;
14. Ақталған адамға куәлік беру;
15. Еңбекші көшіп келушіге рұқсат беру;
16. Еңбекші көшіп келушіге рұқсат беруді ұзарту;
2025 жылдың 10 айында аз қамтылған 50 отбасындағы 302 адамға 27144 мың теңге мемлекеттік атаулы әлеуметтік көмек, 13 отбасыға 873,3 мың теңге тұрғын үй көмегі тағайындалып төленді.
Үйден оқытылатын 17 мүмкіндігі шектеулі баланың отбасын материалдық қолдау мақсатында 817,4 мың теңге жәрдемақы төленді.
Ауған соғысына қатысушы 1 азаматқа 197,0 мың теңге, туберкулез індетімен ауыратын 1 азаматқа 83,0 мың теңге ай сайынғы жәрдемақы төленді.
Ауылдық елді мекенде тұратын және жұмыс істейтін мемлекеттік ұйымдардың мамандарына коммуналдық қызметтерге ақы төлеу және отын сатып алу бойынша 900 адамға 17694 мың теңге әлеуметтік қолдау көрсетілді.
Үйден әлеуметтік көмек көрсету бөлімшесінің 15 әлеуметтік қызметкері 25 мүмкіндігі шектеулі азамат пен 59 жалғызбасты қартқа, 6 мүмкіндігі шектеулі мүгедек балаға үйден әлеуметтік қызмет көрсетіледі.
Медициналық әлеуметтік сараптама комиссиясынан жеке оңалту бағдарламасын алған мүгедектердің 151-і міндетті гигиеналық құралдармен, 16-еуі арнаулы жүріп-тұру құралдарымен, 21-і тифлотехникалық құралдармен, 13-і сурдотехникалық құралдармен, 125 адам протез – ортопедиялық, 82 адам санаторлық- курорттық емделуге жіберілді. Ауданда кәсіпорын қызметкерлерінің алдында жалақы бойынша берешекке жол берілмеді.
Жүріп- тұруы қиын бірінші топтағы бөгде адамның көмегін қажет ететін 3 мүгедек жеке көмекшінің қызметін, 8 мүгедек ымдау тілі маманының қызметін, 1-топтағы 5 мүмкіндігі шектеулі азамат пен 25 бала инватакси қызметін пайдаланады.
Жыл сайын Кеген ауданының «Жұмыспен қамту және әлеуметтік бағдарламалар бөлімі» мемлекеттік мекемесінің бастамасымен қоғамның әр санатындағы азаматтарға бағытталған әлеуметтік маңызы бар іс-шаралар жүйелі түрде ұйымдастырылады. Наурыз мейрамы, Балаларды қорғау күні, Қарттар күні, Мүгедектер күні, Жаңа жыл сияқты атаулы мерекелер қарсаңында мейірім мен қамқорлыққа толы шаралар өткізіледі. Арнайы сыйлықтар табысталып, түрлі мәдени-танымдық, концерттік бағдарламалар қойылады. Мұндай шаралар азаматтардың қоғамнан тыс қалмай, рухани қолдау алып, өздерін қажет әрі маңызды тұлға ретінде сезінуіне сеп болады.
Бұл – бөлім жұмысының әлеуметтік жауапкершілік пен адами құндылықтарға негізделген айқын көрінісі.
Сонымен қатар «Жұмыспен қамту және әлеуметтік бағдарламалар бөлімі» мемлекеттік мекемесі жанынан «Отбасын қолдау орталығы» коммуналдық мемлекеттік мекемесі 2025 жылдың 20 қаңтарда ресми түрде ашылды.
Орталықтың басты мақсаты – отбасының әл-ауқатын арттыру, қоғамда ынтымақ пен татулықты нығайту, қиын жағдайға тап болған азаматтарға жан-жақты көмек көрсету.
Орталық әлеуметтік кеңес, «Е» және «Д» санатындағы отбасылармен жұмыс, заңгерлік көмек, психологиялық қолдау, тренинг және семинарлар, пробация қызметі бойынша есепте тұратын азаматтармен жұмыс, «Сәтсіз отбасылармен» жұмыс, діни ахуал, FSM social платформасымен жұмыс, демеушілік көмек бойынша жұмыс атқарады.
Кеген ауданының «Отбасын қолдау орталығы» коммуналдық мемлекеттік мекемесінде қазіргі уақытта жалпы – 82 адамға қызмет көрсетілді. Оның ішінде әлеуметтік кеңес алғандар – 59, психологиялық кеңес алғандар –1, құқықтық кеңес алғандар – 22. Орталықта әлеуметтік кеңес алғандар саны – 59. Орталықта әлеуметтік кеңес беру қызметі тұрақты түрде жүргізілуде.
Кеңестің негізгі мақсаты – азаматтарға құқықтық, психологиялық, әлеуметтік мәселелер бойынша бағыт-бағдар беру, олардың тұрмыстық және отбасылық қиындықтарын шешуге көмектесу.
Әлеуметтік қызметкер – жай ғана маман емес. Ол– әр күнін адам тағдырымен байланыстыратын ерекше кәсіп иесі. Бейнеті көзге көрінбейтін, бірақ жүрекпен сезілетін бұл мамандық иелері марапатқа да, құрметке де әбден лайық.
Әлеуметтік қызметкерлердің жұмысы — нағыз жанашырлық пен жауапкершіліктің үлгісі. Бұл салада еңбек ететін әрбір жан – жақсылықтың жаршысы. Олар барда қоғамда жылу бар. Ендеше, әлеуметтік сала майталмандарына шын жүректен алғыс айтып, мерекемен құттықтаймыз!
Кеген ауданының жұмыспен қамту және әлеуметтік бағдарламалар бөлімі, өз жұмысын бұдан былайда халықтың әл ауқатын жақсартуға мүмкіндігі шектеулі жандарды оңалтуға, жалғыз басты қарттарға қамқорлық жасауға, әлеуметтік бағдарламаларды орындауға бағыттайды.
