Аудан әкімі Нұрбақыт Молдахметұлының 1 мамыр – Қазақстан халқының бірлігі күнімен аудан халқын құттықтауы

ҚҰРМЕТТІ АУДАН ТҰРҒЫНДАРЫ!
Сіздерді 1 мамыр – Қазақстан халқының бірлігі күнімен шын жүректен құттықтаймын!
Бұл – татулық пен келісімді ту еткен, береке мен бірліктің айқын көрінісіне айналған ерекше мереке. Сан түрлі ұлт пен ұлыстың басын қосқан тәуелсіз еліміздің ең басты құндылығы – халықтар достығы мен өзара түсіністік. Бүгінде бір шаңырақ астында өмір сүріп жатқан барша қазақстандықтар үшін бұл күн – ортақ мақсат пен ортақ болашаққа деген сенімнің белгісі.
Ауданымызда қалыптасқан ынтымақ пен ауызбіршілік – ел дамуының берік негізі. Әрбір тұрғынның қажырлы еңбегі мен елге деген сүйіспеншілігі туған өлкенің өркендеуіне өз үлесін қосып келеді. Бірлігіміз бекем, тірлігіміз тиянақты болса, алар асуымыз да, бағындырар белесіміз де биік болмақ.
Осы айтулы мереке күні баршаңызға зор денсаулық, шаңырақтарыңызға шаттық пен құт-береке тілеймін. Ел бірлігі нығайып, ынтымағымыз арта берсін! Тәуелсіз Қазақстанымыздың мерейі үстем, келешегі кемел болғай!