16 маусым – Медицина қызметкерлері күні

26

Медицина қызметкерлері мерекеде мерейленді

Лаура Мұхаметқали «Қарақар» газеті, фото Zhaksnus_production

16 маусым  – Медицина қызметкерлері күні аудандық мәдениет үйінде салтанатты түрде аталып өтті. Аудан әкімі Н. Теңізбаев медицина қызметкерлерін кәсіби мерекелерімен құттықтап, ҚР Денсаулық сақтау министрлігінің «Денсаулық сақтау ісіне қосқан үлесі үшін» төсбелгісін Берік Халықұлының, «Жаңа Қазақстан» Республикалық иновациялық орталығының «ҚР Еңбек сіңірген қызметкері» төсбелгісін емхана бөлімінің мейірбикесі Гүлнара Сейтқожақызының кеудесіне тақты. Сондай-ақ, Алматы облысы денсаулық сақтау басқарасының «Ең үздік ауыл мейірбикесі» номинациясымен және 2 миллион теңгенің сертификатын Ұзынбұлақ дәрігерлік амбулаториясының мейірбикесі М,Кеңесбекқызына табыс етті. Республикалық «Аманат» партиясының Алғыс хатымен Жылысай дәрігерлік амбулаториясының жалпы тәжірибелі дәрігері Ж.Амангелдіқызы, аудандық аурухананың ота жасау бөлімінің мейірбикесі М.Сатанқызы, Ақсай фельдшерлік пунктінің фельдшері Ж. Жұмабекқызы марапатталса, «Аманат» партиясының Алматы облыстық филиалының Алғыс хатымен Тұйық амбулатория пункітінің фельдшері Б. Дәукенқызы, Алматы облысының денсаулық сақтау басқармасының Құрмет грамотасымен М. Серікұлы,

Г. Қожалепбесқызы марапатталды. Сонымен қоса Алматы облысының Денсаулық сақтау басқармасының Алғыс хатымен, Аудан әкімінің Құрмет грамотасымен, Аудан әкімінің Алғыс хатымен, «Аманат» партиясының Кеген аудандық филиалының Алғыс хатымен, Аудандық мәслихаттың Алғыс хатымен, «Сенім» Денсаулық сақтау жүйесі жұмыскерлерінің салалық кәсіптік Одағы Республикалық қоғамдық бірестігінің Алғыс хатымен бір топ медицина қызметкерлері лайықты марапатталды.  Биылғы жылы зейнеткерлікке шыққан бір топ медицина қызметкерлері ортаға шықыртылып, иықтарын шапан жауып, сый-сыяпат табыс етіліп, құрмет көрселді.

Аудандық аурухананың директоры А.Тлеулиев барша медицина қызметкерлерін мерекелерімен құттықтып, ізгі ниетін білдірді.

 

Адам жанының арашашысы болған, денсаулықтың сақшысы,  мейірбан жүректі ақ халатты абзал жан саналатын дәрігер мамандығын халқымыз ежелден қастерлеп, құрметтеген. Сан ғасырлық тарихы бар медицина саласы күн санап заман ағымына сай шарықтап келеді. Күн демей, түн демей ерлікке пара-пар еңбек үдерісінде сап түзеп, халық денсаулығы жолында тізе бүгусіз тер төгіп келе жатқан ақ желеңді дәрігерлердің ерен ерліктерін халық жақсы біледі. Әрине, бұл қағидаттың бәрі де дерлік маңдай тер мен өлшеусіз еңбектің күші. Қашан да ел денсаулығы жолында жан аямай тер төккен сіздердің ақ адал маңдай терлеріңіз ешқашан да ұмыт қалған емес. Елдікті, бірлікті бекемдеген алмағайып заманда да дәрігердің емдеу ісі өз биігінен аласармаған. Бүгінгі таңда Қазақстандықтардың денсаулығын жақсарту – еліміздің мемлекеттік саясатының басым бағыттарының бірі. Елімізде денсаулық саласын дамыту, тұрғындарға заман талабына сай, қолжетімді және сапалы медициналық қызмет көрсету жолында бар мүмкіндіктер жасалуда. Осы тұрғыда аудандық емхана мен аурухана жоғарыда айтқанымыздай сапалы ем-шара көрсетуге қауқарлы. Себебі, өздеріңіз білетіндей аудандық аурухана ғимараты толығымен күрделі жөндеуден өтіп, керекті құрал-жабдықтармен, аппараттармен толығып, бүгінде халық игілігі үшін қызмет етіп келеді.

Жалпы аудандық ауруханада білікті дәрігерлер жетерлік, орта буын медицина қызметкерлері де толығуда. Аудан жұртына ем-дом жасауда білікті дәрігердердің еңбек тәжірибесіне сүйене отрып ем-шара көрілуде.  Елдігіміздің беріктігін сақтай отырып, ел денсаулығына алаңдаған ақ халатты абзал жандардың еңбегіне алғыс айту артықтық етпес.

Құрметті медицина қызметкерлері! Жауапкершілігі жоғары ерен еңбектеріңізге, шипалы алақандарыңызға, мейірімді жүректеріңізге алғысымыз шексіз. Тынымсыз атқарып отырған еңбектеріңіз халыққа қуаныш сыйлап, өздеріңізді нұрға бөлесін! Сіздерді төл мерекелеріңізбен тағы да құттықтай отырып, отбасыларыңызға амандық, дендеріңізге саулық, күш – жігер, баянды бақыт пен жаңа табыстар тілеймін! Кәсіби біліктіліктеріңіздің арқасында биік асуларды бағындырып, ел алғысын арқалап,  мәртебелеріңіз асқақтай беруіне шын жүректен тілектеспін!

Салтанатты шара соңы мәдениет үйі өнарпаздарының концерттік бағдарламасына ұласты.