КӨРКЕЙГЕН ӨҢІР
Ықылым заманнан қазақтың қарашаңырағы саналған ауыл талай «тар жолда тайғақ кешті». Нарық кезеңіндегі өтпелі уақыт біраз ауылдың шаңырағын шайқалтты. Сол кездерде қалаға үдере көшу белең алды. Тіпті жылдап жарық болмай, электр бағандары отын мен құрылысқа, сымдары металға кетіп жатты. Күнделікті тұрмысқа қажетті заттар қат болып, бағасы шарықтап кетті. Еңбек ақының орнына мал таратылды. Ел үкіметтен үлесін техника, малмен алды. Құнсыздану үрдісі үздіксіз жүріп жатты. Әрине, бұл алыпсатарлар үшін тиімді де болды. Бұл жайттар қазіргі өскелең ұрпақ үшін аңыз іспеттес. Бірақ дәл осындай уақыттардың болғаны шындық. Сол кездері барынан айырылған ауылдың жағдайы аянышты еді. Қаншама техника, мал-мүлік ұстағанның қолында, тістегеннің аузында кетті. «Мың өліп, мың тірілген қазақ» үшін бұл да бір сынақ болды. Алайда, алдағы жарқын күндерден үмітін үзбеген ел адамдары ауылда тұрақтап, қолда бар азын-аулақ малын күйттеді. «Жазған қолда шаршау жоқ» дегендей, бір жақсылықтың боларын іші сезген халықтың басым көпшілігі ауылда тұрақтап қалды.
Сол бір қиын кезеңдерден ауылдарды алып шығу мақсатында, ауылды көтеруге арналған түрлі бағдарламалар қабылданып, қомақты қаражат қарастырыла бастады. «Ауыл жылымен» басталған жақсы леп «Ауыл – Ел бесігі» бағдарламасына ұласты. Электр бағандары тартылып, жарық берілді. «Ақ бұлақ» ауызсу бағдарламасы аясында тұрғындар таза ауыз сумен қамтамасыз етілді. Осы орайда, «Дипломмен ауылға» бағдарламасы да ауылдың әлеуметтік әлеуетінің жақсаруына едәуір ықпал еткенін айта кету керек. Ауыл шаруашылығын қолдауға арналған бағдарламалар сай-саланы малға толтырып қана қоймай, ауыл халқының санын да арттырды. Баяғы базары оралмаса да, ауылдың тамырына қан жүргірді.
Ауыл ішін жарықтандыру, абаттандыру, жолдарын жөндеуге арналған «Өңірлерді дамыту» бағдарламасы осындай түйткілді мәселелердің шешілуіне сүбелі үлес қосуда. Халық санына қарай білім беру және денсаулық сақтау мекемелері де жұмыс жасап жатыр. Материалдық-техникалық базасы жетілдірілген. Бұрынғыдай әлеуметтік жәрдемақы алушылардың да қатары сиреген. «Ауылда жұмыс жоқ», «Ауыл қалып барады» деп байбалам салудың қажеті жоқ. Ауылға жергілікті жердің халқы мен басшылары жауапты. Берілген қаражатты мақсатты игерумен қатар бақылауда ұстау секілді екі жақты жұмыс қашанда жемісті. Тек елге жаны ашитын адал басшы болса болғаны. Егер жұмыс дұрыс жүрсе, ауыл халқы қашан да жақсы істің жаршысы бола біледі. Ауыл халқының көңілі даласындай дархан, пейілі ақ дастарханындай кең. Қаланың күйбең тірлігінен ада, ауылдың мамыражай тірлігі ғажап қой, шіркін…
Міне біз де сөз еткелі отырған Қарқара ауылы да кәзіргі таңда, көркейіп, көгалданып келеді. Атап айтар болсақ «Қарқара ауылдық округі әкімінің аппараты» мемлекеттік мекемесінде 11 адам жұмыс жасайды. Оның ішінде: 5 мемлекеттік қызметкер, 6 техникалық қызметкер тұрақты қызмет атқаруда. Ауылдық округке қарасты 3 елді мекенде 387 түтін- 2026 адам тұрады. Зейнеткерлер саны- 242, Батыр аналар- 32, Көп балалы- 26 адам, алтын алқалы 3- адам бар.
Биылғы жылғы жалпы салық болжамдары – 12 млн 028,0 мың 9 айлық қорытындысымен 12 млн 94 мың теңгеге орындалып, көздеген межеге жетіп отыр.
Табыс салығының болжамы 2 556 мың теңге болса, орындалғаны 3 495 мың теңге, орындалды.
Көлік салығы болжамы 4 млн 131 мың теңге болса, орындалғаны 4 млн 652 мың теңге орындалды.
Мүлік салығы болжамы 156 мың болса, орындалғаны 163 мың теңге орындалды.
Жер салығы болжамы 420 мың теңге болса, орындалғаны 1 млн 94 мың теңге орындалды.
Жер пайдаланғаны үшін төлем болжамы 564,0 мың теңге орнындалғаны 2 млн 36 мың теңге орындалды.
Қарқара ауылдық округі бойынша көше жарық шамдарын орнату үшін 9 млн 50 мың теңге қаржы бөлініп, ашық конкурсқа беріліп ЖШС «Invest Story Group» 7 млн 827 мың теңгеге ұтып алып келісім шарт жасалынып 50 бағана көше жарық шамдарын түсіріп берді.
Қарқара ауылына мал емдейтін қоршау құрылысына 3 млн 879 мың теңге бөлінген. ЖК «Билисбекова» 2 млн 80 мың теңге ұтып келісім шарт жасалынып, жұмысын толығымен аяқтады. Кеген ауданында ауыл шаруашылығы басым сала екендігі белгілі. Ауылдық округтің жалпы аумағы – 22829 га, елді мекеннің жері – 2093 га, жалпы егістік – 4634 га, суармалы егістік -1054 га, жайылымдық -13370 га, шабындық – 4808 га.
Ауылдық округте 128 шаруа қожалығы тіркелген. Мал басы:
Ірі қара- 2810, оның ішінде 1275 аналық бас,
Жылқы- 2819, оның ішінде аналығы – 1126,
Қой- ешкі- 7543, оның ішінде 3622 бас ұсақ мүйізді мал аналығы өсірілуде. Бүгінгі күнге ауыл тұрғындары мен шаруа қожалықтадың мал сандарын анықтау жұмыстары жүргізілуде.
2024 жылығы жаздық арпа-685га, көкөніс-22га, картоп-52га жерге егілді. Көктемгі және күзгі дала жұмыстары толығымен аяқталды.
Қысқы мал азығын дайындау бойынша жоспар 30 000 мың тонна толығмен орындалды.
Арзандатылған дизель отынына күзгі дала жұмыстарына шаруа қожалықтардан 17 тоннаға сұраныс берілді.
Қарқара ауылдық округінде 1 вет пункт меңгерушісі, 6 вет санитар барлығы 7 адам жұмыс жасайды. 1- Нива автокөлігімен халыққа тегін қызмет көрсетіп келеді.
Биылғы жылға Қарқара ауылында 4335 бас ірі қара, ұсақ мүйізді 7500 бас малдардан қан алынды. 5925 бас сиыр, 8500 бас ұсақ мүйізді малдарға аусылға, 4200 бас ірі-қараға қарасан ауруларына қарсы екпе егілді.
12 000 бас ұсақ-мүйізді малға, 5 000 бас ірі-қара, 1 250 бас жылқы малдарына сібір жарасына қарсы екпе егілді. 10 250 бас ұсақ-мүйізді малға шешек ауруына қарсы екпе егілді.
10 айда округ бойынша 55 бас ит ауланып ит ұстау пунктіне жіберіліп, қамалды. 200 бас итке құтырма ауруына қарсы екпе салынды.
10 айда 421 бас жылқы малына, 4252 бас ұсақ мүйізді қой-ешкі төлдеріне, 883 бас бұзау ірі-қара малдарына төлдеріне чип салынып, ИСЖ порталына тіркелді.
Биылғы жылдың басынан 263 малға дәрігерлік анықтама (форма1) берілді.
Кеген ауданы бойынша «Мансап» орталығына 2024 жылы қаңтар айынан бастап жұмыссыз 65-азамат тіркеліп, жұмыспен қамту шараларына 10-айда 27 адам ақалы қоғамдық жұмысқа тартылды. Тұрақты жұмыс жоспар 55-адам орындалғаны – 22; Жаңа ашылған жұмыс орны жоспар – 93 адам орындалғаны- 19;
Ауылдық округте әлеуметтік көмекке мұқтаж әр түрлі топтарына демеушілердің көмегімен 10 айда 300 000 мың теңге көлемінде көмек берілді.
Қарқара ауылдық окргугінде 1 орта мектеп бар. Орта мектепте 44 мұғалім 228 оқушыға білім береді және шағын орталық жұмыс істеуде.
2024-2025 – жылдардағы оқу жылында мектеп алды дарярлық (0) сыныбында-14 оқушы; 1-сыныпқа 19-оқушы қабылданды. Мектеп бітіретін түлектер 16-оқушы. Ыстық тамақпен 1- 4-сынып аралығында 93 оқушы, 5-11-сынып аралығында әр-түрлі санаттағы 89- оқушы, барлығы- 182 оқушы қамтылған.
Қарқара ауылдық округінде 1 жекеменшік «Хасан» балабақшасы жұмыс істейді 25 бала бар.
2024 жылы дәрігерлік амбулаторияда 10 айда 1440 адам қаралды. Үйден қарау – 156. Диспансерлік есепте – 213 адам тұрады. Дүниеге келген сәби – 12.
2,5% пайызбен берілетін «Ауыл аманаты» бағдарламасы бойынша округтен 13-жеке азамат, 1-СПК барлығы-14 құжат өткізілді.
Қазірі уақытта барлығы – 103 863 000 мың тенге қаражатқа 11-азамат, 1-СПК несиелерін қолына алып бизнес жоспарлары бойынша жұмыс жүргізуде, Қалған 2-жеке тұлғалардың құжаты оң қорытынды алып, құжаттарын толықтырып қаражаты берілуін күтуде. Бүгінгі күнде 1-СПК құжат жинап өткізіп, оң қортындысын алды. Жеке тұлғалардан 4-азамат құжаттарын жинап несие алуға өтініш беріп отыр.
Ауылдық округтен 2024 жылдың тамыз айында 2-шаруа қожалық «Алдияр» ш/қ төрағасы Б.Абділдаев МТЗ 92.3 тракторын және «Нұрдаулет» ш/қ төрайымы Р.Сұраншиева МТЗ 92.3 тракторын қосымша ПРФ-145 шөп рулонын АО «КазАгроФинанс» арқылы 5-пайызбен лезингке 25 млн 900 мың теңгеге техникаларын алды.
2024 жылдың басынан округте қылмыс тіркелген жоқ. Жалпы 10 айдың ішінде 86 хаттама толтырылды. Ауыл тұрғындарның күл-қоқыстарын ауланың сыртына төккен адамдарға және қараусыз жүрген мал иелеріне әр түрлі баптар бойынша 2 айыппұл салынып, әкімшілік жауапкершілікке тартылды.
Ауылдық округте күзгі әскерге шақырту бойынша 13- адам тіркелген.
3-адам медициналық тексерістен өтіп, әскер қатарына Отан алдындағы борыштарын өтеуге жіберілді. 10-адамның мәліметтері жинақталып жұмыстар жүргізілуде.
«Әкебай ата» мешітінде ауылымыздың тумасы Чочаев Исламның демеушілігімен Кеген және Райымбек аудандарының арасында құран жарыс өтті. Жарыстың жүлде қоры 1 млн 200 мың теңгені құрады.
1-қазан «Халықаралық қарттар күні» мерекесіне іс-шара ұйымдастырылып ауылымыздың 60-шақты қарттарына ас беріліп, 100 мың теңге көлемінде азаматтарға сый- сияпаттар жасалынды.
Қарқара ауылдық округіне қарасты жалғыз басты зейнеткерлерге, мүмкіндігі шектеулі жандарға, жағдайы төмен отбасыларға қолдап жем-шөппен демеушілік жасаған шаруа қожалықтар «Ынтымақ-Б» шаруа қожалығының төрағасы Асқарбаев Бақытжан, Жексенбиев Әділ, «Шүкір» шаруақожалығының төрағасы Нұрсұлтанов Ерик, «Тасбұлақ» ЖШС-нің басшысы Қанапияев Алмас, Чучаев Ислам 5 адамға 50 рулон шөп және СПК «Талас», «Қарқара Өнімдері» ЖШС-гі 10 адамға 50 қап арпа бидай беріліп ауыл азаматтарының ризашылығына бөленді,- дейді ауыл әкімі Ернұр Сабырбеков.
