Жақсылық жасап жарысайық

«Жақсылыққа жақсылық– әр кісінің ісі, Жамандыққа жақсылық – ер кісінің ісі,» – деп М.Әуезов айтқан екен. Яғни еш сұраусыз-ақ ізгілікке ізгілікпен жауап қайтару – көптің қасиеті.
Жақсылық жасағанда екінші біреуді қуантып, тіпті бақытқа бөлеуге де болады. Сонымен қоса, ең үлкен қуаныш – жақсылық жасаушыда: жүрегі жұмсарып, ерекше сезімге бөленеді.
Адам өміріндегі ең игі істердің бірі – жалғыз басты қарттарға қамқорлық жасау. Соның бірі Кеген ауданы Қарабұлақ ауылдық округіне қарасты Ақай Нүсіпбеков ауылында «Жақсылық жасап жарысайық» қайырымдылық акциясы қолға алынды. Әкімшілік жергілікті кәсіпкермен келісе отырып, ауылдағы әр дүкеннен «Жақсылық сөресі» атты сөре ашты. Бұл игі бастама жұртшылықты ізгілкке, қайырымдылыққа, мұқтажға көмектесуге үйретеді. Ауылымыздың зейнеткер жалғыз басты қарт анамыз Шоңқыбекова Клара апамызға азық-түлікпен қамтамасыз етіп және сыйлық тарту етілді. Жаңа айдан жақсылық демекші айымыз жақсыдан болғай.
Кез келген адамның бойында жақсылықтың дәні жатады. Өйткені бұл қасиеттің өзі – адамдардың бойындағы рухани биік қасиет. Және әрбір адам өмірінде аз болсын, көп болсын жақсылық жасаған әрі өзгелерден жақсылық көрген. «Жақсылық жүрген жерде, тапшылық болмайды». Жақсылық атаулыға шын көңілмен, риясыз пейілмен, қайтарым күтпей жасалған, өзгелерді қуантататын, басқаларға пайдалы болатын амалдардың бәрі де кіреді, ендеше, жақсылық жасап жарысайық!
Үміт Қасабекова,
Қарабұлақ ауылдық округінің
әлеуметтік қызметкері.