Жаныңда жүр жақсы адам

91

Ана! Осы үш әріптен ғана құралған сөздің құдіреті неткен күшті еді. Ана өмірге ұрпақ әкелуші, осынау ғаламға тіршілік нәрін себуші. Талай ақын жазушылардың шығармасына арқау болған ару аналар қаншама, бүгінгі бойжеткен, ертең ана, әже ары қарай ұрпағы бір ауылды алып жатқан кейуана. Әрқашанда ақ тілегін арқалап, ақ жүрегін ұрпағына ұсынатын аналар ғана ғой, ананың жылы құшағы, сазды бесік жыры жыр болып өріліп, сыр болып жатуы ешқашан артық саналған емес, ана бір қолымен бесікті, бір қолымен әлемді тербетеді деген сөзде тегіннен тегін айтылған емес. Сондай аналар кәзірде арамызда баршылық.
Шырайлы Шырғанақ ауылы аудан бойынша үлкен округтің бірі, көп ретте, қарапайым адамдар еңбегімен көзге түсе бермейді, әсіресе әйелдер. Бүгінгі әңгіменің арқауы сондай бір ана болмақ. Осыдан біраз жылдар бұрын біздің ауылға жас келін түсті, еңбегімен ер атанған Оңласын Дәуренова апамыздың босағасын аттаған Шолпан келін ибалы мінезімен, жылы лебізімен ауыл адамдары тарапынан бірден жақсы келін атанды. Еңбек жолын мектеп директорының шаруашылық жөніндегі орынбасарынан бастады. Екі аудан бөлінген кезде 2018 жылы Амирова Шолпан Қуанышбекқызы «Нұр-Ару» атты жекеменшік бөбекжай ашты. Бөбекжайда 25 бала бар, көршілес Талды, Қарқара, Көкпияз елді мекендерінен балаларын сеніп тапсырған ата-аналар баршылық. Бөбекжай заманауи талапқа сай, тәрбиешілері де еңбекқор жандар. Шолпан ханым, қандай да бір іс-шара болса, бөбектерін концерттік бағдарламасымен алып келеді. Балбөбектердің өнерін тамашалап, мәз боп қайтамыз. Ауылымыздың ақ келіні Шолпан жұбайы Талғат екеуі алтындай ұл қыздарын тәрбиелеп отыр, Нұрман мен Аружан көз қуаныштары. Өзіде өнерден құрыалақан емес, тамылжытып ән салады. Мерекелік шараларда демеуші болады, бір отбасын айрандай ұйытып отырған абзал ана, жақсының жақсылығын айт, нұры тасысын демейме. Осы бір еңбекқор, ізденімпаз, шебер жанға ауыл халқының ықыласы шексіз.
Роза Батырханова,
Шырғанақ округі Аналар кеңесінің төрайымы.