Мәслихат ғимараты заманауи келбетте
Жуырда Алматы облыстық мәслихатының төрағасы Қуат Байғоджаев, Су ресурстары және ирригация басқармасының басшысы С. Қараласов, Облыстық құрылыс басқармасының орынбасары А. Чалкенов ауданға іс сапармен келді.
Жалағаш ауылдық округінің аумағында салынып жатқан Торайғыр және Қопалы каналдарының жұмысымен танысты.
Одан әрмен Шырғанақ ауылдық округіне қарасты Кіші Қарқара ауылындағы медициналық пунктін аралап көрді. Сонымен қоса Кеген ауылынан 2 автокөлікке арналған депо құрылысымен танысып, Қарқара ауылындағы ауылшаруашылығы мақсатында салынып жатқан каналдың жұмысын бақылап қайтты. Облыстық маңызы бар автомобиль жолдарының жұмыс барысымен танысып, бірқатар тапсырмалар жүктеді.
Облыстан келген делегат аудандық мәслихатының ғимаратының күрделі жөндеуден кейінгі ашылу салтанатына қатысты. Бұл ғимарат– халық пен билік арасындағы ашықтықты арттырып, ел игілігі жолындағы жұмыстардың жаңа деңгейде атқарылуына мүмкіндік беретін маңызды нысан. Халық пен биліктің тоғысқан ынытмақтастығының жарқын көрінісі болған көп жылдан бері жөндеу көрмей, тозығы жеткен ғимараттың бүгінгідей замана көшіне ілесіп, жаңа бағытта салтанат құрған ғимараттың осы дәрежеге жетуіне бірден бір ықпал еткен облысы әкімі Марат Елеусізұлына, осы іске мұрындық болған аудан әкімі Нұрбақыт Теңізбаевқа ел атынан алғыс білдіремін деді аудандық мәслихат төрағасы Алмасбек Нөкербанұлы өз сөзінде.
23 мекеме жұмысын әрмен қарай осы ғимаратта ауданның экономикалық әлеуетін жақсартуда еңбек етеді деген аудан әкімі Нұрбақыт Молдахметұлы: “Мәслихат – тұрғындармен тығыз байланыста жұмыс істейтін басты өкілетті орган. Халық сенімін арқалайтын депутаттар мен мемлекеттік қызметкерлердің сапалы жұмыс істеуі үшін қолайлы жағдай жасау– біздің ортақ міндетіміз”,- деді. Алматы облыстық мәслихатының төрағасы Қуат Байғоджаев мәслихат ғимаратының ашылу салтанатымен құттықтап, ел игілігі жолында қызмет етсін деді. Еңбек ардагері, Кеген ауданының Құрметті азаматы, Тазабеков Едіге ақсақал ақ батасын берді.
Қонақтармен қатар, келген көпшілік талапқа сай, заманауи тұрғыда жөндеуден өткен мәслихат ғимаратының ішін аралап шықты.
Лаура Мұхаметқали, Суреттерді түсірген: Мира МУРАТАЛИЕВА, «Қарқара» газеті.
