Баспасөз- 2024

45

Газет –қоғамның қозғаушы күші

Бүгіннің ақпарат көзі

Келешекке қатталған тарих…

Лаура МҰХАМЕТҚАЛИ, фото Н.ТАСТАНҚҰЛОВ «Қарқара»

 

Мемлекет басшысы Қасым Жомарт Кемелұлының  Ұлттық құрылтайда сөйлген сөзінде «Жаппай кітап оқитын ұлт» тұжырымдамасында  нақтылы пікір білдіріп, кітап оқу керектігі жөнінде атап өткені мәлімі. Мемлекет басшысы оқуға ден қоя отырып, ұлттың келешегін руханиатта қалыптастыруда негіз қалап отыр. Президенттің «Оқитын ұлт» бастамасын түбегейлі қолдай отырып, Тәуелсіз елдің білім көкжиегін кеңейтіп, рухани құндықылықты арттырып, оқуға құштардықты ояту ел болашағына деген мол мүмкіндіктер ашары сөзсіз. Осы тұрғыда бүгінгі технология заманында кітаптың, газет-журналмен баспа басылымдарының қай заман болмасын құндылығының жоғары екенін тағы бір дәделдеп өткендей. Өйткені, қазіргі қоғамда жедел интернет заманының шарықтап жатқанының негізін алға тартып, көкейде қысқа толқынды хабарлармен күн санап қауыштырып жатқан әлеуметтік желінің желісінде жоғарыдағы құндылықтарымыздың орнын басқандай ой түйіндеуде. Дегенменде, өткен тарихтың жазылымы осы сарғайған кітап, газет-журналдардың бетінде сақталған ақпараттың желісінде қаланып отырғаны естен бір сәтке шығып кеткендей. Олай дейтініміз қазақ халқының кешегі траихы сол жазба әдебиеттер мен тарихи мұраларда сақталған жазбалар негізінде бүгінгі күнге жетіп отырғаны ақиқат.

Газет – қоғамның қозғаушы күші. Бүгіннің ақпарат көзі. Келешекке қатталған тарих болмасына кім кепіл. Ел мен жердің мұңын мұңдап, жоғын жоқтайтын да осы ақпараттық басылым. Обылыс пен ауданның, шалғай жатқан елді мекеннің жай күйін хабардар етіп, жақсылыққа жаршы болып отырған да газет. Осы негізде бүгінгі күнде газет-журналдар өз дәрежесінде халық арасында таралымы тарқамай келеді. Не болмаса кешеуілдетіп жететіні тағы бар. Осы негізді мақсат тұтып ауданымызға Ақтасты ауылына ат басын бұрып, облыстық «Алатау арайы мен Огни Алатау» газеттерінің журналистері келіп тұрғындармен  кездесті. «Өлке тынысы» ЖШС директоры  Кәдірбек Құныпияұлы, «Алатау арайы» газетінің бас редакторы Қуаныш Тұңғатар, «Огни Алатау» газетінің бас редакторы Зәбира Сайділдина, фототілші Жұмабай Мұсабек арнайы келіп, басылымның халық арасында таралымы мен баспаға жарты жылдыққа жазылу жүргізіліп жатқандығы жөнінде аудан тұрғындарымен бас қосты. Кездесуге округ әкімі, мекеме қызметкерлері, ауыл халқы қатысты.  Кездесу барысында  аудандық ақсақалдар алқасының төрағасы С.Досымбеков, Тасашы ауылдық ақсақалдар алқасының төрағасы Р.Мырзағалиев сөз сөйлеп, аудан  мен облыс көлемінде таралатын ақпарат көздері жайлы пікірлерін білдіріп, аудан жұртын газетке жазылуға үндеді. Тағы бір осы тұрғыда айта кететін жайт, облысымыз екіге бөлінгелі халқы арасында түсінбеушілік орын алуда. Бұрына облыстық газет «Жетісу» газетінің орнына бүгінгі таңда облыстық газет «Алатау арайы» құрылғанын айта кеткен жөн. Сонымен қоса облыстық газетпен қатар аудан айнасы, ел мен жердің тыныс тіршілігінің ақпарт айдыны «Қарқара» газетін де қаперлеріңізден шығармағандарыңыз абзал. 1931 жылдан елмен біте қайнасып, келе жатқан төл басылымдарыңыз аудандық «Қарқара» газетіне де жарты жылдыққа жазылу жүргізіліп жатқанын хабаралаймыз!

Кездесу барысында түрлі құнды дүниелерді тілге тиек етіп, замана көшін технология жайлағынымен бабадан қалған ата тарихты толғап, қойнауында балаталасаң шаба алмайтын сырлы қағаз газетіміз өз деңгейінде сақтайтыны, ертеңге мұра, бүгінге рухани азық болары баяндалды. Әлеуметтік желі дейміз оның түбі жоқ, ұстап тұрар дінгегі жоқ. Күндердің күні  интернет түбегейлі жойылар болса қатталған тарихымыз бірге өшпесіне кім кепіл?! Осы сынды ақпараттар айтылып, газет-журналымыздың түбегейлі түгін құрдымға кетіріп алмайық, ел болып, өткенінен сыр шертер халық болғандықтан, кешегі, бүгінгі құндылықтарымызды айқындай отырып, сарғайған сары қағаз газетіміздің болашағына алаңдайық деді.

Құрметті аудан тұрғындары, қадірменді оқырмандар! Ауданның үні мен тілі, ғасырға жуық жүріп өткен жолы мен өзіндік құрылымы бар аудандық басылым «Қарқара» газетіне, обылыстық «Алатау арай», «Огни Алатау» газеттеріне жарты жылдыққа жазылу жүргізіліп жатқанын хатарлай отырып, ел тыныс тіршілігінің ақпарат айдынына біркісідей атсалысып жазылады деп сенеміз!