АУДАН ӘКІМІНІҢ ҚОҒАМДЫҚ ҚАБЫЛДАУЫ

25

«AMANAT» партиясы жанындағы қоғамдық қабылдау бөлмелерінің негізгі жұмысы – тұрғындардың өтініштерін қараумен қатар, игілікке бағытталған жобаларды түсіндіру, насихаттау болып табылады.Қазіргі таңда партия жұмысын жан-жақты жаңғырту бағытындағы, халықпен кері байланыс жасаудың тиімді құралдарының бірі – қоғамдық қабылдау бөлмелері болып табылады.

Осы орайда,  Кеген ауданының әкімі Теңізбаев Нұрбақыт Молдахметұлы «AMANAT» партиясы  Кеген аудандық филиалында бекітілген жоспарға сәйкес қабылдауға жазылған 11 азаматты өз өтініштері бойынша қабылдады.

Қабылдауға келген азаматтар: тұрғын үй кезегі, көше жарық шамдары, АӘК мәселесі, «Ауыл аманаты» бағдарламасы, шабындық, егістік жерлер мәселесі, мемлекеттік қайтарымсыз гранттар, кәсіп ашуға арналған жеңілдетілген несиелер сияқты мәселелер жөнінде өтініштерін білдірді.

Аудан әкімінің қабылдауына келген азаматтардың мәселелері жан-жақты зерттеліп, шешімі заң талаптарына сәйкес қарастырылатыны жайында айтылды.

Кейбір мәселелер бойынша жауапты бөлім басшылары заң аясында кеңес беріп, шешілу жолдарын ұсынды.