Шекара шебіндегі Көлсай көлдері

Көлсай көлдері Қазақстандағы туристік аймақ ретінде туристердің жиі саяхаттап келетін орнына айналған. Алматы облысының ең көрікті мекендерінің біріне айналған Көлсай көлдеріне туристік саяхат жасап, туристік бағдарлама ұйымдастырушы кәсіпорындардың саны бүгін де артқан. Демалыс күндері мұнда адам саны бұрынғыдан әлде-қайда көп. Туристік аймақ ретінде, тек ішкі туризм саласы бойынша ҚР азаматтары ғана емес, шетелдік туристердің де қызығушылығы артуда. Жылдың әр мезгілінде құлпыратын аймаққа туристер ағыны жиілеуде.
Ішкі туризм бойынша өзге облыстардан ерекшеленетін Алматы облысындағы өңірде салыстырмалы тұрғыда қарағанда «Көлсай көлдері» аймағы дәрежесі жоғары.
Мемлекеттік маңызға ие «Көлсай көлдері» географиялық орнына сәйкес шекаралық аймақ қатарына енеді.
Шекарасының солтүстігі орман қорымен шекаралас. Оңтүстікте жота айырығында Күнгей Алатау өтеді. Территорияның солтүстігінде Жалаңаш орман шаруашылығы мен Райымбек ауданының жер қоры орналасып, оңтүстікте Қырғызстан Республикасының шекарасымен тұйықталады.
Шекаралық аймаққа енетін бұл өңірді қорғау Қазақстан Республикасы Ұлттық Қауіпсіздік Комитеті Шекара қызметінің Алматы облысы бойынша Департаментінің Қарасай ауданы бойынша Басқармасының құрлымындағы Саты шекара бөлімшесінің міндетінде. Бөлімшенің негізгі құрлымында шекара қызметіне шақыртылған әскери қызметшілер, қырағы жігіттеден құралған. Бөлімшенің жеке құрамы Көлсай көлдерінің аумағынна кіретін шекаралық аймақтардың қауіпсіздігін қамтамасыз етеді. Шекаралық маңызды аймақ деп, танылған Көлсай көлдері аймағын қорғау, қауіпсіздігін қамтамасыз ету, шекаралық аймақ нысаны ретінде күзету қызметтерін атқарады. Шекара бөлімшесі барлық қажеттімен жабдықталған, шекара шебін қорғауға әр кезде де дайын. Осы айтылған шекара бөлімшесінің қызметі арқасында өңірден соңғы жылдар ішінде, бірнеше шекара бұзушылары ұстаған. Шекара бөлімшесінің құрылған күнінен бастап, әрбір шекара бөлімшесінің әскери қызметшілері аса қырағылықпен, жауапкершілікпен өз қызметін адал атқарған. Мемлекеттік қауіпсіздік қажеттілігін қамтамасыз ету барысында елеулі орын алатын шекара бөлімшесі қызметкерлері жанқиярлыққа барады. Өңірдің қауіпсіздігін қамтамасыз ету барысында ҚР азаматтарының және шетел азаматтарының да қауіпсіздігін қамтамасыз етеді.
Туристік-рекреациялық ресурсы мол Көлсай көлдері аймағына саяхаттап келушілердің құқығы мен қауіпсіздігін қамтамасыз ету барысында әр түрлі туристік сапар ұйымдастырушы кәсіпорындар, жеке туристердің төлқұжаттары толық тексеруден өтеді. Көлсай көлдерінің негізгі Шекералық аймақ екендігін басты назарда ұстап, демалушылардың жеке төлқұжаттарының болуы, стандартқа сәйкес төлқұжат мерзімінің жарамдылығы тексеріледі. Туристік агенттіктердің тұтынушы туристерге өздерімен болуы тиіс құжаттарды ескерту жұмыстары да жүзеге асырылған.
Сонымен қатар, шекаралық аймақта бөгде адамдардың пайда болуы сияқты мәселелер дереу қолға алынады. Шекара қызметтінің атқаратын іс-шараларына сондай-ақ жергілікті жердің тұрғындарыда белсене қатысады, олардың көмегімен де шекара бұзушыларының ізіне түсу, оларды уақытында ұстау жұмыстары бірнеше мәрте қайталанған. Шекаралық аймақта күн тәртібіндегі өзекті мәселелердің алдын алып, күзет жұмыстары жүргізіледі, атап айтқанда, мал ұрлау, мемлекет шекарасынан тауарды, құндылықтарды, басқа да заттарды заңсыз өткізу тәрізді заңсыз іс-әрекеттерді назарда ұстайды. Алдағы уақыттада елімізге осынау табиғаттан берілген сыйлы өңірді қорғауды тынымсыз жалғастырамыз.

Байнұр Байжұма,
Саты шекара бөлімшесінің
бастығының орынбасары, лейтенант.