“Бабалар аманатын арқалаған қыл қалам шебері”

669
Қиялына ерік беріп Тұйықтың тау тасы, өзен суы Сейітжанның көз алдында, кенеп бетініне майлы бояумен салынған қыл қаламынан шыққан туындысы тарих қойнауына еніп, келер ұрпаққа үлгі бола білді. Ізденімпаз Сейітжанның өмір жолына сәл тоқтала кетейік. Бала кезінен – ақ ұқыптылыққа бейім Сейітжан Дайынов Әлімғожаұлы мектеп қабырғасын үздіктер қатарында бітіріп арман қуып Алматыға білімін шыңдау үшін аттанған болатын. Дайынов Сейтжан Әлімғожаұлы, 1962 жылдың 1-қаңтарында Алматы облысы Кеген ауданы, Кеген ауылында дүниеге келген. Мектеп табалдырығын Тұйық ауылында аттап, еңбек жолын да Тұйық ауылында бастады. Кеңестер одағында Отан алдындағы борышын өтеп келген соң, әртүрлі жұмыстар істей жүріп, ауылдық бастауыш комсомол ұйымының жетекшісі болған кездегі мына бір оқиғаны айтпаса болмас. Поселкелік рудниктің орталық клубында жастардың жұмыстан кейінгі бос уақыттарын дұрыс өткізу мақсатында көркем өнерпаздар орталығы ұйымдастырылды. Ұйым өзін өзі қаржыландыру мақсатындағы жұмысы аудандық партия ұйымында талқыланғаны бар. Ауылының көркеюі үшін қолынан келген іс-шараны жүзеге асырып бақты. Ауыл адамдарын ұйымдастырып, төменгі Тұйыққа су шығарды. Ауылдық кеңестің депутаты болып сайланды. Суретші болу Сейтжанның бала кезден бергі арманы болатын. Сол арманды арқалап, Абай атындағы Алматы мемлекеттік университетін бейнелеу өнері және сызу пәнінің мұғалімі мамандығы бойынша аяқтады. Университет қабырғасында жүріп – ақ студенттер арасындағы байқауда бас жүлдені алып, суреті Франция еліне көрмеге жолданды. Тұйық орта мектебінде бейнелеу өнері-сызу пәндерінен сабақ берді. Шығармашылық жұмыстары аудандық көрмелерде, Талдықорған қаласында өткен Мұқағали шығармаларына салынған сурет көрмесінде жұмыстары ерекше көзге түсіп, аудан күніне орай қосқан үлесі үшін аудан әкімінің «Алғыс хатымен» марапатталды. 2005 жылы Тұйық ауылында Жеңістің 60 жылдығына орай Тұйық ауылында бой көтерген, табиғи тастан қаланып жасалынған ескерткіштің тікелей авторы. Ескерткіш «Жетісудың тарихи ескерткіштері» жинағына енді. 2009 жылы облыстық «Үздік суретші-ұстаз» байқауында бас жүлдені иеленсе, жас ұрпаққа білім мен тәрбие берудегі еңбегі еленіп, 2010 жылы Алматы облыстық білім департаментінің «Құрмет грамотасымен» марапатталды.  2013 жылдан Талғар ауданы, Ақтас ауылындағы № 36 орта мектепте ұстаздық жұмысын жалғастыруда. 2020 жылы Алматы қаласының  Әбілхан  Қастеев атындағы өнер мұражайында өткізілген Республикалық «Бабалар аманаты» атты көрмеде «Мәңгілік сарын» майлы бояумен салынған картинасы жоғары бағаланып, бас жүлдеге ие болды. Ұлы Әл-Фарабидің 1150 жылдық мерейтойына арнайы ұйымдастырылған онлайн-көрмеде «Фараби сазы» атты майлы бояумен салынған шығармасы көрермен ілтипатына ие болды. Суретшінің көптеген картиналары жеке адамдардың коллекциясында сақтаулы. Сейтжан ауылымыздағы үлгілі отбасылардың бірі. Жанұясында 1қыз, 2ұл тәрбиелеп отыр. Ұл қыздары өздері сияқты ұстаздық жолды қуып шәкірттеріне білім нәрін себуде. Жары Райхан Дәркенбаева химия пәнінің мұғалімі. Қашан көрсең кеңпейіл, дархан көңілі үлкенге ізетті, кішіге бауырмал ініміздің өнері өрлеп туындылары тарих қойнауында өнеге бола берсін. Сиыр жылы баршаңызға жақсылығын үйіп-төксін, ел аман жұрт тыныш болсын.
Ұябай Балаханов
Талғар ауданы Кеңдала ауылы