Рухани жаңғыру

Аманат арқалаған ұландар

         Жуырда Шырғанақ округіне қарасты І. Жұмағұлов атындағы орта мектептің спорт залында Кеген ауданының ашық біріншілігі өтті. Елбасының «Болашаққа бағдар: рухани жаңғыру» мақаласының «Туған жер» бағдарламасы аясында Грек-рим күресінен 2005-2010 жылғы туылған жасөспірімдер арасында Нұрмұханбетов Молдалім Нұрмұханбетұлын еске алуға арналған ауданның ашық біріншілігіне 200 ге тарта жасөспірім қатысты. Оқырманға толығырақ түсіндіріп көрейін, Нұрмұханбет Молдалім ата- Жәнібек ата қонысы болып келген көрікті Қулық тауының күнгейіндегі Шыбышы ауылында 1918 жылы дүниеге келген. Үлкен атасы Оразбай бидің тәрбиесінде өседі. Ауылдағы Батырәліұлы Әмірбек молдадан оқып, ескіше сауат ашады. «Ел басына күн туып, балапан басына тұрымтай тұсында» дегендей аласапыран кезінде 1931 жылы Қытай жеріне көппен бірге қоныс аударды. 1956 жылы КСРО-ға өткеннен кейін кирил алфавитін үйреніп еркін оқи алатын дәрежеге жетті. Ел ішінен шыққан дарынды ақын жырау, термеші, әрі молда Жүсіпбек Қожа Шайхсламұлы, Көдек ақын, Таңжарық ақын, Әуезхан ақын, Әсет ақын, әнші Дәнеш Рақыш, Қожеке батырлар шығармаларын жетік біліп, көбін жатқа айтқан жан. Молдалім қалың бұқараның ішінде бірге өсіп, біте қайасқан, оқыған-тоқығаны көп, жаңалыққа білімге жаны құмар әдебиетші десек артық айтқандық емес. Ерекшелігі көп 50-60 жылдардың жауһар жырларын жадында сақтап, 1997 жылы өз қолымен түсірген «Әуезхан өлеңдері», «Шәкірт-шәкірт», «Көдек өлеңдері», «Қиямет ахуал», өлеңдері болатын. Отбасының ақылшы тірегі, ұрпағының мақтанышы болған Молдалім атамыз осындай жан болған. Кең залға екі жерден төселген кілемнің керкеуіне сыймай кеткен жас-өспірім  спортшылар мен жаттықтырушы ұстаздары мен келген қонақтарға аудандық дене шынықтыру және спорт бөлімінің Басшысы Гайдар Мұқанқожаев, ауыл әкімі Оразбай Бекбатыров, ауыл ақсақалдар төрағасы Ермахан Құрманғалиев, депутат Серік Саниязов осы жарыстың тікелей демушісі, «Әулие абыз Әлмерек» қоғамдық қорының директоры Нұрмұханов Ысқақ Молдалімұлы сөз алып Алматы, Кеген, Райымбек ауданынан келген жасөспірім спортшыларға ізгі тілектерімен ақ батасын беріп сәт сапар тіледі. Боз кілем үстінде ертеңгілік басталған кеш бата аяқталған дода кімге де болса қызықты әділ, «Күш атасын танымас» демекші аянып қалмады. Еңбегі ардақталған Нұрмұханбетов Молдалім атамызды еске алуда осымен екінші жыл  қатарынан, аудан мектептерінің жасөспірімдері арасында грек- рим күресінен турнирлік додасы боз кілем үстінде жеңіс тұғырында көрінген ұландармен аяқталды. Сайдың тасындай іріктелген спортшыларға мойындарына алтыннан, күмістен, қоладан медаль тағып спортсаңлағы деген құрмет грамоталары және команда бойынша Молдалім Нұрмұханбетов атындағы кубоктар табыс етілді. Шырғанақ ауылында жыл сайын өтетін грек- рим күресі спорт сүйер жасөспірімдерге Қазақстанның көк байрағын көкте желбірете беріңдер деген сенім жүгін арқалаған біртоп спортшылар ауылдарына аманат арқалап қайтты.

Нұрболат Тастанқұлов