Елорда – жастар жүрегінде

223

1997 жылғы 10 желтоқсанда Мемлекет басшысының бастауымен Алматыдан шыққан көш-керуеннің Арқа төсіне, Есіл-Нұра жағалауларына қарай бет түзегені белгілі. 1998 жылғы 6 мамыр күні Елбасымыздың Жарлығына сәйкес Ақмола Астана атауына ауыстырылған бо- латын. 2019 жылы 23 наурыз күні ҚР Президенті Қасым-Жомарт Тоқаев Астана атауын Нұр- Сұлтан деп ауыстыру жарлығына қол қойған бо- латын. Қазірде ел астанасы Нұр-Сұлтан қаласы болып келеді. Бүгінде Нұр-Сұлтан – болашақтың каласы. Мәдениеттің ошағы, ғылым мен білімнің ордасы болып табылатын жас қала, баршамыздың ар- ман қаламыз. Еліміздің көгілдір туы желбіреген тәуелсіздігіміздің ордасы. Нұр-Сұлтан қаласы Еуразияның дәл ортасында орналасқан: бір жағынан – еуропалық жетістік, екінші жағынан – шығыс дәстүрі үйлесімін тапқан. Шыңдары көкті тіреген асқақ Алатау баурайынан Ұлы даланың кіндігіне көшіріліп, ерке Есілдің жағасынды бой түзеген әсем Нұр-Сұлтан-жаңа ғасыр ғажабынан жаралған жас қала. Жер шарының картасынан Астана атауы да өз орнын алды. Та- рихымен табиғаты, сәулетімен бүкіл тіршілігі дара, ғажап үлгілі күйіміздің күмбірі, көңіліміздің жыр-гүлі жас қала Елорда күн сайын енсесі биіктеген қалаға айналуы өзімізді сүйсіндіріп, әлем жұртын көркімен тамсандырды. Бүгінде бүкіл әлем сұлулығына тамсанып, болашақтың қаласы деп көз тігіп отыр. Жас, гүлденген елордамыздың әсем де көрікті жерлерімен таныссыздар. Олардың қатарында Қазақстанның бетке ұстары – Тәуелсіздік сарайының алдындағы алаңдағы ұшар басында аңыздағы «Самұрық» құсының қол мүсіні бейнеленген «Қазақ Елi» монументі, Елорданың сәулет жарасымдылығында жаңа көрнекті орын – Тәуелсіздік Сарайы, «Астана-Бәйтерек» монументі – Елорданың нышаны, оның келбеті, Қазақстан үшін сейіл құру өндірісінің тағы бір жаңа үлгісі – «Думан» ойын –сауық орталығы бар. Көзді ашып жұмғанша еңсесін тіктеген, әлемдік елдермен терезесі тең мемлекетке айналдық. Елорда- Еуразия жүрегі. Осы бір ару Елорданы көріп таңдай қақпаған адам жоқ шығар. Мен де Елордамызды адал, жасындай жүрегіммен мақтан етемін!

Тоғжан ҚАНАТҚЫЗЫ, Аудандық Жастар орталығының жетекшісі.