Жаңабатырова Гүлнара
Конституция – тек мемлекеттің ғана емес, әрбір азаматтың, оның ішінде білім саласында еңбек ететін адамдардың өміріне де тікелей әсер ететін құжат. Білім беру саласы елдің дамуы мен болашағын қалыптастыратын негізгі салалардың бірі болғандықтан, Конституциялық өзгерістердің әділ, ашық және теңдік қағидаттарына негізделуі аса маңызды.
Комиссия отырысында көтерілген адам құқықтары мен бостандықтарын қорғау, заң үстемдігін күшейту, билік пен халық арасындағы ашықтықты қамтамасыз ету мәселелері білім беру саласы үшін де өзекті. Ұстаз ретінде мен әрбір оқушы мен студенттің құқықтары қорғалуын, олардың сапалы білім алуына толық жағдай жасалуын маңызды санаймын. Бұл реформалар білім беру саласындағы әділдік пен теңдікті нығайтуға мүмкіндік береді.
Бұл реформалар елімізді құқықтық, әділетті және ашық мемлекет ретінде дамытудың нақты негізін қалыптастырады.
Жаңабатырова Гүлнара
