«Отбасын қолдау» орталығы ашылды
Кеген ауданы күн өткен сайын өркендеп даму қалпын арттырып, қайсыбір саласына ден қойсаңыз даму қарқыны үдей түскені байқалады. Президентіміз Қасым- Жомарт Тоқаевтың 2019 жылғы 2-қыркүйегіндегі «Сындарлы қоғамдық диалог- Қазақстанның тұрақтылығы мен өркендеуінің негізі атты» Қазақстан халқына Жолдауын іске асыру жөніндегі жалпыұлттық іс – шаралар
жоспарын орындау мақсатында, мемлекет басшысының тапсырмасына сәйкес, әлеуметтік жағынан осал отбасылардың өмір сүру сапасын жақсарту, олардың экономикалық дербестігіне және азаматтардың өмірлік қиын жағдайдан шығуына қолдау көрсету, балалар мен аналардың құқығын қорғау мақсатында, «Отбасын қолдау орталықтарының қызметін жүзеге асыру бағытына байланысты қағидаларын бекіту туралы» бұйрығына сәйкес, отбасын қолдау орталықтары ашу көзделсе, бүгін Кеген ауданы әкімінің қолдауымен жүзеге асырылып отыр.
Отбасы орталығының ашылу салтанатына аудан әкімі Нұрбақыт Теңізбев Молдахметұлы, Алматы облысының «Жұмыспен қамтуды үйлестіру және әлеуметтік бағдарламалар басқармасы» мемлекеттік мекемесінің басшысы Айгүл Ахметова Матанқызы, облыстық қаржы басқармасының басшысы Бибігүл Төкенова, ақсақалдар кеңесінің төрағасы Сабыр Досымбеков, жерлесіміз өнертанушы ақын, журналист Сағатбек Медеубеков ағаларымыз жаңадан ашылған отбасы орталығының лентасын қиып, ізгі тілектері мен ақ баталарын берді. Аудан әкімі Нұрбақыт Теңізбаев жұмысты жандандыру барысында, отбасы орталығының басшысы Біләл
Мәсімбаевқа су жаңа көліктің кілтін тапсырды. Отбасы сүйіспеншіліктің, құрмет пен ынтымақтастықтың ошағына айналарына сенім білдіріп тарасты.
Бір күндегі төрт бірдей шараның бірі Бақытгүл Көнеева басқаратын Жастар ресрустық орталына орналасқан, қарттардың «Белсенді ұзақ өмір сүру» орталығының ашуылу салтанатымен жалғасты. Табиғаты сұлу өлкенің тұрғындары ұзақ өмір сүру үшін қажеттің барлығы осы шағын орталыққа тән екенін айтқымыз келді. Салтанатты жиын соңы белсенді жандардың қолдауы мен ізгі тілектер
айтылып, әуезді ән мен күйлер келген қонақтардың көңілін дөп басты. Істеріңізге аудан халқының атынан алғыс айтып, сәттілік тілейміз!
Нұрболат ТАСТАНҚҰЛОВ,
Қарқара
