Мерекеде мерейленді
21 мамыр – Мәдениет және өнер қызметкерлері күні
Мерекеде мерейленді
21 мамыр- Мәдениет және өнер қызметкерлері күніне орай аудандық мәдениет үйінде мерекелік шара өтті. Арнайы жасақталған сахна көрерменге ой салып, мәдениет, өнер десе бүйрегі бұрып тұратын дүйім ел залға жайғасты. Алғаш сөз алған аудан әкімі Нұрбақыт Молдахметұлы мәдениет қызметкерлерін төл мерекелерімен құттықтап, ізгі ниетін білдірді. Сонымен қоса ауданымыздан шыққан мәдениет майталмандарын жіпке тізбектей, өнер десе ішкен асын жерге қоятаны аудан жұртшылығына еңбегімен еленіп, мәдени мұрамызды насихаттап жүрген мәдениет үйінің өнерпаздарына алғысын білдіріп, еңбектеріне табыс, шығармашылық ізденіс тілеп, «Ереуіл» халықтық фольклорлық-этнографиялық ансамбілінің жетекшісі Бөтеев Мақсат, қобызшы Тлеукеева Айым, театр әртісі Сүлеймен Ақмаралды марапаттап, «Мәдениет саласына сіңірген еңбегі үшін» төсбелгісін кеуесіне тақты. Сомен қоса мереке күніне орай аудан әкімінің Құрмет грамотасымен театр әртісі Тоқтарбай Дархан, техникалық қызметкер Наурузова Роза, Алғыс хатпен ансамбіл әртісі Байбала Нұрым, шаруашылық меңгерушісі Рамазан Еркебұлан, жарық беруші Абитаев Қуаныш, Қоңыржанқызы Тұрахан марапатталды. Аудандық маслихаттың төрағасы Алмасбек Нөкербанұлы мерекеге орай ізгі тілегін білдірді. Алматы облыстық Агорөнеркәсіп кешені және мемлекеттік мекемелер қызметкрелерінің кәсіподақтар одағы Кеген ауданы филиалының төрағасы Қ.Төлепбердиевтың Алғыс хаымен А.Нүсіпбеков атындағы мәдениет үйінің директоры Ысқақ Амангелді, Ұзынбұлақ ауылдық мәдениет үйінің техникалық қызметкері Омарбекова Самиля марапатталды.
Мереке қрсаңында аудандық мәдениет үйінің өнерпаздарына аудан әкімі гастрольдік сапарға арналған автокөліктің кілтін мәдениет үйінің директоры Ернат Ысқаққа табыс етті. Аудандық мәдениет үйі бүгінгі таңда жастармен толығып, «Қызыл орамалды шынарым», «Тағдыр», «Сыған серенадасы», «Мұғалім» атты қойылымдарымен көптің көңілінен шығып, көрермен көзайымына айналды. Аудан жұрты рухани –мәдение кештерді асыға күтетін дәрежеге жетті. Бұл да бір аудандық мәдениет үйінің директоры, өнерпаздарының ерен еңбегінің жемісі. Алда да мәні мен мазмұны келіскен ой салар тың дүниелер жарыққа шығады деп сенеміз.
«Ауыл-ел бесігі» атты бағдарлама аясында Бөлексаз, Қарқара ауылында мәдениет үйлері салынып ел игілігіне пайдалануға берілді. Жалағаш ауылында мәдениет үйінің құрылыс жұмыстары жүргізіліп биылғы жылы қолданысқа брілді. Сонымен қатар жылысай ауылынан жаңа мәдениет үйінің құрылысы, Қарбұлақ ауылдық мәдениет үйі күрделі жөндеуден, А.Нүсіпбеков ауылындағы мәдениет үйіне 48 млн теңге бөлініп, ағымдағы жөндеуден өтуде. Алдағы уақытта Шырғанақ. Тұйық ауылдарында мәдениет ошақтары бой көтермек.
Өңір мәдениеті мен өнерін өрістетіп, ұлттық мәдени мұрамызды асқақтата беріңіздер демекпіз.
Лаура ҚАРАСАРТОВА,
Фото ZHAKSNUS_PRODUCTION.
