Саниязов Серік

Конституциялық реформа жөніндегі комиссияның кезекті отырысында айтылған ұсыныстарды ауыл шаруашылығы саласында еңбек етіп келе жатқан шаруа қожалығының өкілі ретінде үлкен жауапкершілікпен қабылдадым. Ауыл шаруашылығы – ел экономикасының негізгі тіректерінің бірі, ал ауылдағы әрбір өзгеріс мемлекеттің азық-түлік қауіпсіздігіне, халықтың тұрмыс деңгейіне тікелей әсер етеді. Сондықтан Конституцияда бекітілетін нормалар ауыл еңбеккерлерінің мүддесін қорғауға бағытталуы аса маңызды.

Комиссия отырысында көтерілген жерге меншік және жерді тиімді пайдалану, заң үстемдігін қамтамасыз ету, мемлекеттік қолдау тетіктерінің ашықтығын арттыру мәселелері шаруа қожалықтары үшін өте өзекті. Жер – шаруаның басты байлығы. Осы тұрғыда жер қатынастарына қатысты қабылданатын шешімдердің әділ әрі түсінікті болуы, заң талаптарының баршаға бірдей қолданылуы ауыл шаруашылығының тұрақты дамуына негіз болады.

Конституциялық деңгейде бұл қағидалардың бекітілуі ауыл еңбеккерлеріне деген мемлекеттің нақты қолдауы деп санаймыз.

Саниязов Серік