Мен Құрылтай сайлауын қоғам үшін маңызды саяси үдеріс деп бағалаймын
Мен Құрылтай сайлауын қоғам үшін маңызды саяси үдеріс деп бағалаймын. Бұл – халықтың пікірін ескеріп, елдің дамуына қатысты маңызды бастамаларды талқылайтын алаң. Сондықтан Құрылтай құрамына қоғамның сеніміне ие, елдің болашағына бейжай қарамайтын, жауапкершілігі жоғары азаматтардың сайлануы маңызды деп есептеймін.
Бүгінде жастардың сапалы білім алуы, жұмыспен қамтылуы, кәсіпкерлікпен айналысуы және қоғамдық өмірге белсенді араласуы – мемлекет назарындағы маңызды бағыттардың бірі. Осы мәселелердің Құрылтай алаңында кеңінен талқыланып, тиімді ұсыныстардың жүзеге асуы жастардың болашағына оң ықпал етеді деп сенемін.
Жастар – еліміздің қозғаушы күші. Сондықтан біз қоғамдық-саяси үдерістерге белсенді қатысып, азаматтық жауапкершілігімізді көрсетуіміз қажет. Құрылтай сайлауы – елдің дамуына өз үлесімізді қосуға мүмкіндік беретін маңызды кезең. Барша тұрғындарды белсенділік танытып, өз таңдауларына жауапкершілікпен қарауға шақырамын. Еліміздің бірлігі мен тұрақтылығы жолындағы әрбір игі бастама ортақ мүддеге қызмет етеді деп сенемін.
Оспанжан Ақниет
