Мен Мойнақ су электр станциясының қызметкері ретінде Құрылтай сайлауын еліміздің болашағы үшін маңызды қоғамдық-саяси үдеріс деп санаймын

Мен Мойнақ су электр станциясының қызметкері ретінде Құрылтай сайлауын еліміздің болашағы үшін маңызды қоғамдық-саяси үдеріс деп санаймын. Құрылтай – халықтың пікірін ескеріп, елдің дамуына қатысты өзекті мәселелерді талқылайтын маңызды алаң. Сондықтан оның құрамына ел мүддесін жоғары қоятын, жауапкершілігі мол, халықпен тығыз байланыста жұмыс істейтін азаматтардың сайлануы маңызды деп ойлаймын.

Энергетика саласында еңбек ететін маман ретінде еліміздің тұрақты дамуы мен экономикалық өркендеуі үшін бірлік пен жауапкершіліктің маңызы зор екенін жақсы түсінемін. Сол себепті барша азаматтарды Құрылтай сайлауына белсенді қатысып, өз таңдауларына жауапкершілікпен қарауға шақырамын. Елдің дамуы – бәрімізге ортақ міндет.

Әнуар Мұналбаев