Бақытты балалық шақтан – жарқын болашаққа

«Бала – адамның бауыр еті.
Баланың жанын түсіне білу – нағыз кемелдіктің белгісі»
Мұхтар Әуезов.

Балалық шақ – әр адамның өміріндегі ең бір сәулелі, ең бір шынайы кезең. Бұл – жан-дүниені таза күйінде сақтайтын, ізгілік пен мейірімнің бастау алар шағы. Сондықтан да бүгінгі қоғам үшін «Бақытты балалық шақтан – жарқын болашаққа» қағидаты айрықша маңызды. Әр шаңырақтың шаттығы саналған бала– ұлттың болашағы. Осыны ата-анам үнемі айтып отырады. Балаға жасалған инвестиция – болашаққа салынған берік іргетас. Олардың денсаулығы, білімі, қауіпсіздігі мен бостандығы – мемлекет пен қоғамның басты назарында болуы тиіс.Сондықтан үйде- «Сендер мемлекеттің болашағысыңдар, ал мемлекетке қызмет ету үшін дені сау азамат пен азаматшалар өсуі тиіс»- деп денсаулыққа көп көңіл бөледі.Осы тақырыптың аясында мектепте көптеген іс -шаралар өткізіледі. Өткізілген әрбір шараларға белсенді қатысып, ойға түйерім көп болды. Мен болашақ жайлы ойлауды әлі ерте деп санамаймын. Менің жасым 12-де. Тіл үйрену, білім мен өнер үйрену менің басты мақсатым. Мен әлемге қазақтың атын танытып жүрген аға-әпкелеріме ұқсағым келеді. Әрине, сол кісілердің қатарына да қосылғым келеді. Мұндай кеңістікті қалыптастыруда ата-ананың, отбасының рөлі зор. Үлкендердің өнегесі мен ықыласы – баланың адам болып қалыптасуына тікелей әсер етеді. Сонымен қатар, қоғам да бейжай болмауы тиіс. Әрбір бала – ортақ байлығымыз, ал олардың амандығы – баршамызға жауапкершілік жүктейді.
Бақытты балалық шақты қамтамасыз еткен ел ғана нағыз өркениетті ұлттың мәртебесіне ие бола алады.Мен мектебіммен, жүрген ортаммен және жағдай жасайтын ата-анаммен мақтана аламын. Ендеше, әр баланың күлкісі – бейбіт өмірдің айғағы, арманы – болашақтың шамшырағы. Бақытты балалық шақтан бастау алған әр өмір – жарқын болашаққа жол ашары анық.

Нұрайым Амантай,
Тұйық орта мектебі.