Ел тілегі ескеріледі

Облыс әкімі Марат Сұлтанғазиевтің Кеген ауданының тұрғындарымен есептік кездесуі Ұзынбұлақ ауылында өтті. Кездесуге облыстық, аудандық мекеме басшылары мен мәслихат депутаттары, ауыл ақсақалдары мен аудан тұрғындары қатысты.

Әуелгіде облыс басшысы Қарқара ауылындағы «Талас» ауыл шаруашылығы кооперативінің жұмыс барысымен танысып, шаруашылық нысанын аралап көрді. «Талас» ауыл шаруашылығы кооперативінің директоры Жамбаев Жүсіп Ахметқазыұлы кооперативтің негізгі  бағыттары туралы, яғни ірі қара малын өсіру, сүтті қайта өңдеу, аралас ауыл шаруашылығы туралы қысқаша хабарлама жасады. Кооперативтің жылдық болжамды кірісі 2018 жылы- шамамен  7,6 млн теңгені құрайды,  2019 жылы- шамамен 18 млн. теңге, 2020 жылы шамамен- 47,8 млн теңге.Тартылған инвестиция көлемі -420 млн теңге.

Сапар барысында өңір басшысы Түменбай ауылындағы 14 ақпанда тұрғын үйі өртенген көп балалы отбасымен кездесті. Отағасы Дүйсен Асхат жеке кәсіп  мал шаруашылығымен айналысады.  Отбасылы. 7 баласы бар. 4 баласы мектеп оқушысы. 3  баласы мектепке дейінгі жаста. Қазірде әкімшілік тарапынан уақытша тұруға тұрғын үйге көмек көрсетілді. Марат Сұлтанғазиев қолдан келер көмекті аямайтындығын жеткізіп, жуырда дүние есігін ашқан отбасындағы нәрестеге заттай сыйлықтар табыстады.

Кеген ауылындағы Кеңес Нұрпейісов атындағы мектеп-лицейінің күрделі жөндеу жұмыстары да әкім назарынан тыс қалмады. Марат Елеусізұлы Кеген ауылынан жаңадан бой көтерген Жастар ресурстық орталығының ашылу салтанатына қатысып, өңірдің белсенді жастарымен әңгімелесті. Сонымен қатар, қоғам қайраткері Заманбек Нұрқаділовтың туғанына 80 жыл толуына орай қойылатын ескерткіштің орнын барып көрді. Жер учаскесі Кеген ауылының кіреберісіне  «Алматы-Кеген-Түп» күре жолының бойында орналасады деп жоспарланған.

Кеген ауылынан жаңадай бой көтерген Жастар ресрустық орталығының ашылу салтанатына қатысып, лентасын қиған Марат Сұлтанғазиев өңірдің белсенді жастарымен сұхбат құрды.

Қоғам қайраткері Заманбек Қалабайұлының туғанына 80 жыл толуына орай қойылатын ескерткіштің орнын көріп, танысты. Жер учаскесі Кеген ауылының кіре беріс Алматы-Кеген-Түп автокөлік жолының бойында орналаспақ.

-Заманбек Қалабайұлының ескерткіші орналасқан жағдайда сәулеттік ерекшелігімен ерекшеленетін артында Өнер мектебі күрделі жөндеуден өтпек, осы мектепке қоғам қайраткері Заманбек Қалабайұлының есімін берсек деген ойдамыз. Қазіргі таңда күрделі жөндеуге 301 млн теңге бөлініп конкурсқа берілді. Жер учаскесінің орналасу жағдайы  сәулеттік эстетика жағынан қарағанда ауылдың әкімшілік іскерлік аумағында, күре жолдың бойында орналасуы ескерткішті айрықша етіп көрсетпек. Ауылға алғаш кірген кезде, ауылда қоғам және мемлекет қайраткерінің ескерткіші тұруы әр адамға қажымас еңбекпен ұлттық сана сезіміне және патриот болуға рухтандырмақ. Осы жоғарыдағыларды ескере келе сәулеттік эстетика қалыптасады.- деді аудан әкімі Нұрбақыт Теңізбаев.

Сондай-ақ, Ұзынбұлақ ауылының  дәрігерлік амбулаториясына күрделі жөндеу жұмыстары қажет екені нақтыланды.

Бұдан кейін, Ұзынбұлақ ауылдық «Ақ-Бастау» Мәдениет үйінде аудан әкімі Нұрбақыт Теңізбаевтың ауданның 2023 жылдың 12 айындағы әлеуметтік-экономикалық дамуының қорытындылары мен  2024 жылы атқарылатын жұмыстар туралы есептік кездесуі жалғасын тапты. Аудандық мәслихаттың төрағасы Алмасбек Нұғыман жиынды ашып, жұмыс регламентімен таныстырды. Алғаш сөз алған Кеген ауданының әкімі Нұрбақыт Теңізбаев 2023 жылы жұмыстарға тоқталып, тұрғындар тарапынан шешімі табылмаған 17 проблемалық мәселелер көтерілген. Оның 4-і орындалды, 13-і орындалу үстінде екенін, яғни жыл соңына дейін шешілетінін есептік баяндмасында атап өтті.

– Қайырлы күн! Құрметті кездесуге қатысушылар! ҚР Президенті Қасым-Жомарт Кемелұлы Тоқаевтің «Барлық деңгейдегі әкімдер жыл бойы халықпен кездесулер өткізсін, олардың барысында халықты толғандыратын әлеуметтік мәселелерге баса назар аудара отырып, Қазақстанды жаңғыртудың жаңа бағдарының негізгі бағыттары туралы хабардар етсін және проблемалық мәселелерді шешудің жолдары мен мерзімдерін түсіндірсін» деген әкімдердің халықпен кездесулерін өткізу туралы Жарлығына сәйкес, өткен жылы  облыс әкімі  Марат Елеусізұлы 2 рет кездесу өткізген болатын. Сонымен қоса, былтыр әр сала бойынша халықты толғандырған 193 проблемалық мәселелердің картасы дайындалып, жүйелі түрде жұмыс атқарылуда.193 мәселенің, 33-і орындалды, 90-і  орындалу сатысында. 70 мәселені  кезең-кезеңмен шешу жолдары қарастырылуда. Ауыл шаруашылығы өнімдерінің көлемі 36 млрд  252 млн теңгеге жетіп, нақты көлем индексі– 98,8%-ды құрады.(2022 жылы 37 млрд 756 млн теңге). Аудан бойынша мал азығын дайындауға 60 049 тонна аудандағы шабыстардан, 83 187 тонна сырттан сатып алынды,  барлығы 143 236 тонна мал азығы дайындалып жоспар 100,0 пайызға орындалды. 2024 жылы «Өңірлерді дамыту бағдарламасы» бойынша 7 елді мекенге  мал  дәрілеу орындарын орнатуға 27,1 млн теңге бөлінді. (Ұзынбұлақ – 3,9 млн теңге Кеген – 3,9 млн теңге, Тасашы- 3,9 млн теңге, Шырғанақ – 3,9  млн теңге, Жылысай -3,9 млн теңге, Бөлексаз -3,9 млн теңге, Қарқара – 3,9 млн теңге).14 елді  мекенге 7 млн 700 мың теңгеге мал қорымдарын салу мақсатында  жобалық іздестіру жұмыстарын жасатылды.(Жалаулы, Ақсай, Ақтасты, Қарқара, Талды, Кеңсу, Шыбышы, Шырғанақ, Алғабас, Саты, Сарыкөл, Темірлік, Ереуіл, А.Нүсіпбеков). Оның сыртында облыстық ветеринария басқармасы арқылы 2024 жылы 7 елді мекенге мал қорымдарын салуға                    158,1 млн теңге бөлінді. (Жайдақбұлақ-25,9 млн теңге, Жаңа тасашы-23,9 млн теңге, Кеген-20,9 млн теңге, Жалаңаш 20,9 млн теңге, Көкпияз-20,9 млн теңге, Кіші Қарқара-20,9 млн теңге, Қарабұлақ-24,7 млн теңге). Қазіргі таңда ауданда 810 дана техника бар.  2023 жылы 93 млн 210 мың теңгеге  12 техника (Қарабұлақ 7, Тұйық 2, Жылысай 2, Кеген 1 техника алынды). (Оның «Казагро финанс» АҚ, Ауыл аманаты бағдарламасы және де микро кредиттік ұйымдар арқылы 51 млн 320 мың теңгеге 5 техника, өз қаражаты есебінен 41 млн 890 мың теңгеге 7 техника)  сатып алынды.

Ауданда 10 канал бар. Каналдарға қатысты суарылатын жер көлемі 9 198 га құрайды. Құрылыстың жалпы құны 8 млрд 23 млн теңгені құрайды, өткен жылы  аталған жұмыстарға барлығы 2 млрд 700 млн теңге қаржы бөлінді. (Құрылыс жұмыстарының аяқталу мерзімі 2024 ж. Қазіргі таңда  «Г.С.Г. Высотник» ЖШС  жеңімпаз болып анықталды).  (Ұзынбұлақ, Құмтекей, Қарқара, Мөңкебай, Жылысай, Шелек, Ақсай, Саты, Иірсу)- деді Нұрбақыт Молдахметұлы.

Аудан әкімі баяндамасында шағын  және орта кәсіпкерлік бойынша, «Ауыл аманаты» бағдарламасы бойынша, негізгі капиталға тартылған инвестициялар көлемі, үш үлкен инвестициялық жоба туралы, жер қатынастары бойынша, тұрғын үйлерді іске қосу, құрылыс жұмыстарының көлемі бойынша, тұрғын үй-коммуналдық шаруашылық саласы, жол саласы бойынша, жұмыспен қамту, білім беру, мәдениет және спорт саласы және құқық қорғау саласына жеке-жеке тоқталып өтті. Алдағы уақытта да Кеген ауданында белгіленген жоспарларды іске асыруда оң нәтижеге қол жеткізуге бірлесе отырып, нақты жұмыстар атқаратындығын жеткізді.

Жиында облыс әкімі Марат Сұлтанғазиев аймақтың даму көрсеткішіне қысқаша тоқталды. Кеген ауданында атқарылып жатқан жұмыстардың олқы тұстарын да тілге тиек етті. Ауданға кіріс көздерін табуды тапсырды. Сұрақ-жауап кезегінде Ұзынбұлақ ауылының тұрғыны Көлбай Аманжолов ауылдағы дәрігерлік амбулаторияға күрделі жөндеу керектігін алға тартты. Әлкен Қосаев Жалаулы орта мектебінің тозығы жеткенін айтып, ауыл тұрғындарының өтінішін жеткізді. Саты ауылының тұрғыны Беглан Тұқанұлы  Көлсай маңында орналасқан қонақүйлерден аққан кәріз суларының көлге құйылып жатқанын ашына айтып, халықтың аманатын жеткізді. Аймақ басшысы Марат Сұлтанғазиев бұл мәселе жіті назарда екенін, сол үшін арнайы комиссия құрылғанын, заңсыз құрылыстарға жол жоқ екенін қадап айтты. «Ұсыныстарыңыз орынды. Кеген аймағы туризмге таптырмас өңір. Көлдің тазалығына ерекше мән беріледі»,- деді Марат Сұлтанғазиев. Облыс әкімі жеке қабылдауына және есептік жиналысқа келген азаматтардың арыз-шағымдары, талап-тілектері ескерусіз қалмай, шетінен орындалатынын жеткізді. Жиын барысында басқарма мен аудан әкіміне, орынбасарларына арнайы тапсырма берген, орынбасарларына арнайы тапсырма беріп, кейбір мәселелер аудан шеңберінде жауабын табуға тиіс екенін тілге тиек етті.

Есептік жиыннан соң, Кеген ауданындағы шаруа қожалықтармен және ауыл әкімдерімен жаңбырлатып суару технологиясын пайдалану жұмыстары бойынша ауыл әкімдерімен шаруа қожалық иелерінің бас қосу жиналысы болды.

Дәурен ЕРМЕКБАЙ