АУДАН ӘКІМІ АЗАМАТТАРДЫ ҚАБЫЛДАДЫ
Бүгін Кеген ауданының әкімі Нұрбақыт Теңізбаев «AMANAT» партиясы Кеген аудандық филиалында кезектілік тәртібімен жазылған азаматтарды қабылдады. Жеке қабылдауға 15 адам келіп, өтiнiштерін жеткізді. Қабылдауға келген тұрғындардың басым бөлігі тұрғын үй алу, шабындық, егістік жерлер мәселесі, мемлекеттік қайтарымсыз гранттар, кәсіп ашуға арналған жеңілдетілген несиелер, ерекше балалар күтімі сияқты мәселелер жөнінде көмек сұрады. Аудан әкімінің қабылдауына келген азаматтардың мәселелері жан-жақты зерттеліп, шешімі заң талаптарына сәйкес қарастырылатынын жеткізді. Кейбір мәселелер бойынша жауапты тұлғалар заң аясында түсіндірме беріп, шешу жолдарын ұсынды. Мәселен, ең алғашқы болып сұрақ қойған елім деген азаматтардың бірі Тұйық ауылының тұрғыны Көшекбаев Берік аудан көлемінде атқарылып жатқан жұмыстарға ризашылығын білдіре отырып аудандағы туризм саласын дамыту бойынша өз ұсынысын білдіріп туристердің келуін ұлғайту үшін, аудан экономикасын және жергілікті халықтың тұрмыстық жағдайын жақсарту үшін облыстық маңызы бар жолдар жасалып, электр жарығының жетіспеушілігі ретке келтірілсе деп өз ұсынысын білдірді. Сондай –ақ Жоғарғы Тұйықта орналасқан №38 трансформаторға тоқ көзінің аз болуына байланысты ағымдағы жөндеу жұмыстары жүргізілеме деп сұрады. Аудан әкімі Тұйық-Кеген облыстық маңызы бар 22 шақырым жолдың құрылысына қаражаттың бөлінгендігін, сәуір айынан бастап жұмыстардың басталатындығын айтты, құрылыс жұмыстары аяқталғаннан кейін Трансформаторлардың ағымдағы жөндеу жұмыстары бойынша «Алатау Жарық Компаниясымен» бірлесе отырып үлкен жиын өткізіліп, мәселенің оң шешім табатындығын айтты. Келесі сұрақты Тұйық орта мектебінің көркем еңбек пәнінің мұғалімі Сатыбалдиев Фархат қойды. Фархат Тоқтасынұлы Тұйық ауылынан «Кеген аудандық өнер мектебінің» филиалын ашқан. Түске дейін 10 бала, түстен кейін 10 балаға көркем өнер бойынша сабақ береді. 6 ай шәкірт тәрбиелеген азаматтың шәкіртерінің бірі Президентіміз Қасым – Жомарт Кемелұлының алғыс хатын да иеленіп үлгерген. Яғни жұмыс жоғарғы деңгейді жүріп жатыр. Ұстазды алаңдатқан мәселе шәкірт тәрбиелеп отырған ұясының әкімшіліктің де, мектептің де иелігінде болмауы. Нұрбақыт Молдахметұлы азаматтың еңбегін бағалай отырып ғимаратты өнер мектебінің иелігіне беру туралы ұсынысын айтып, жауапты мекеме басшыларына тапсырма берді. Өңір басшысы қабылдауға жазылған барлық тұрғындардың арыз-шағымдарын, өтініштері мен ұсыныстарын тыңдай келе, бірқатар мәселелер бойынша жоспарымен бөлісіп, сөз соңында көмек қажет жанға әрдайым қолдау көрсететіндігін жеткізді. Айта кету керек, кездесуге аудан әкімінің атқарған жұмысына ризашылығын білдіруге келгенін тұрғындарда болды.
