Менің арманым менің болашағым!

Ия, мына өмірде армансыз адам жоқ шығар, сірә? Арман– әр адамның қиялының биік шыңы. Ол адамды алға жетелеп отыратын ынталандырушы күш. Арман – қиялдың жетегінде кеткен орындалмас нәрсе деп ойласақ, қатты қателескеніміз. «Чемпион жаттығу залдарында пайда болмайды. Адамның ішіндегі құлшыныс, арман, мақсат чемпионды тудырады»,– деген әлемді мойындатқан былғары қолғап шебері – Мұхаммед Әли. Ендеше, мақсатымыз айқын болса, арманымыз орындалады.
Менің де алдыма қойған мақсаттарым, қиялымда тамырын кеңге жайған асқақ арманым бар. Ол арманым – жаһандық аренада танымал қазақ журналист болу. Бұл ой маған ғайыптан, не болмаса, ата-анамның қалауынан келген жоқ. Қазіргі жүректегі «журналист боламын» деген жалын оты бастауыш сыныптартағы кезімде тұтанып, жүрегімде тулап, шабытым шарықтап, армандай бердім. Мектепішілік, облыстық шараларға қатысып, шығармашылығымды шыңдап келемін «…Өзіңе сен, өзіңді алып шығар, Еңбегің мен ақылың екі жақтап…» деп талмай еңбектеніп, қажырлы жұмыс жасап, бойымдағы шығармашылық қабілеттерімді дамытып жатырмын.
Бұйыртса, болашақта өз ісімнің шебері болып, өз саламның Эверестіне табан тіреп тұратын күнге де жетемін деген үміттемін.
Ғабиден Мұстафин: «…арман деген көп белес. Біріне шықсаң, бірі бар» – демекші, армандарымыз таусылмасын, қиялдағы армандармыз өмірде өз орнын тауып, діттеген мақсаттарымыз орындала берсін! Бір орында отыра берген адамның арманы түгіл, ісі де алға баспайды, менің өмірлік ұстанымым– «Тек алға!!!». Барлық арман жетегінде жүрген замандастарыма да армандарыңыз орындалсын демекпін.
Тоқтарқожа Көркем Айдосқызы
Тұйық орта мектебі
7- сынып оқушысы.