Ардагерлер бас қосты
Шуағын тау қыратынан шашып құстардың үнімен бірге, қараторғайдың таң сәріде сайраған даусынан оянатын едік. Ал қазір сол құстың сайраған тәтті үні сейіліп жойылып кетті. Оған не себеп болғанын ешкімде түсіндіре алмайды. Қарап тұрсақ не бір тарихи дәстүрге бай мәдени таным-дүниелер көмескеленіп құндылығын жоғалтып қараторғайдың үніндей білінбей құмға сіңген судай, құрдымға кетіп барады. Не бір тарихи жәдігерлер мен құн жетпес құндылықтарымыз Жалаулы алтыны сияқты жауhарлар тістегеннің аузында кеткені жүректі сыздатады. Тапқанын ол уақытта кеңес заңымен Мәскеудің бұйрығымен эрмитажға қоямыз деген сылтаулар қазақ елінің құндылықтарын құртып, жібергені шындық. Мен неге бұлай айтып отырмын, қазіргі уақыттта қой үстіне жұмыртқалаған кезең де бармен өскен ұрпақ пен салыстырмалы түрде қарны аш, барды қанағат тұтқан, өткен ғасыр ұрпағының бойынан табылатын кісілік кішіпейілділік, қазіргі жастар бойынан қараторғайдың үніндей жойылып бара жатқаны жүректі шымырлатады. Мен жастарға күл шашып тұрғам жоқ. Үлкеннің алдын кесіп өтпейтін, қайран асыл аналарымыз бен ағаларымыз біздерге дұрыс бағыт көрсетіп, тәлім- тәрбие, өнеге көрсетуімен жүрген бала біздерге, мектеп секілді көрінетін. Ата-анамыз үлкенге құрмет, кішіге ізет жасап жүріңдер – деп өсіргеніне қазіргі кезде еш өкінбейміз.
Жуырда ауданымыздағы барлық ақсақал қарияларымызбен, ақкимешекті әжелерімізбен басын қосқан Кеген аудан әкімшілігінің кең залында Алматы облыстық ардагерлер ұйымының төрағасы Тұрымбетов Ерболат Сапарұлы Кеген аудан әкімі Нұрбақыт Молдахметұлы Теңізбаев, Кеген аудандық ақсақалдар мен ардагерлер кеңесінің төрағасы Сабыр Досымбеков, аудандық маслихат төрағасы Алмасбек Нұғыман, ауыл әкімдері, аналар кеңесі төрайымдары, Алатау облыстық жастар орталығы, Кеген жастар орталығының мамандары қатысқан жиын өтті. Жиында аудан әкімі келген барлық қонақтарға Нұрбақыт Теңізбаев татулықты ту еткен үлкендерге тәуелсіздік мерекесімен құттықтай отырып, ел тыныштығына үлкен себепкер болған ауыл ардагерлеріне денсаулық тілеп, бірлікке шақырған ізгі ниетін білдірді. Облыс ардагерлер ұйымының төрағасы Тұрымбетов Ерболат Сапарұлы кереге тау Кеген жұртына ризашылық білдірген сөзін тәуелсіздік күнімен құттықтап, өмірден көрген тәжірибесіне сүйеніп, ел бірлігінің татулығымен ынтымағының артуы мына сіздердің бірліктеріңіздің үлгісі деп сөзге тиек етті.
Жастар ұйымына, Кеген халқына амандық тілеп ақ батасын берді. Ел ертеңі жастар екені айтылып, ақниетке толы ізгі тілектер мен алда атқарылар келелі іске тоқталды. Ел тәуелсіздігіне селкеу түсірмей қорғауға шақырған аталық сөздер айтылды. Тәуелсіз тұғырын төмендетпей, еліміздің көк байрағын көкке желбіретуге шақырған ізгі тілек ақ батаға ұласты. Ел тәуелсіздігінің тұғыры болаттай берік, ел аман жұрт тыныштығы арта берсін деген ақ тілектермен қорытындылады.
Нұрболат Тастанқұлов.
