“Адамның адамгершілігі жақсы ұстаздан болады”- деп Абай атамыз дәл тауып айтқан. Ұстаз алдынан тәрбие алмайтын жан жоқ. Ұстаздың еңбегі ұрпақ тәрбиесі мен білім беру арқылы ұлттың болашағын қалыптастыруымен тығыз байланысты.
Ұстаздың лаулаған жалыны-әр жүрекке жылу сеуіп, нұр құятын қуаттың, өмірдің қайнар көзі. Ұстаздың шәкірттерге берер әсері үлкен. Ұстаздың арқасында жас ұрпақ қоғамға пайдалы, саналы адамзат болып шығады. Жақсы ұстаз оқушының ішкі қабілетін ашады,оның болашағына жол сілтейді. «Ұстаздық еткен жалықпас, үйретуден балаға”- демекші ұстаз болу оңай жұмыс емес, себебі әр бала-жеке тұлға, әр баланың өз әлемі мен ерекшеліктері бар.Ұстаз әр баланың ішкі дүниесіне үңіліп, оның ең жақсы қасиеттерін оятып, бағыт-бағдар береді. Сонымен қатар, ұстаз шәкірттерге тек білім беріп қана қоймай, олардың өмірде кездесетін қиындықтарды жеңуге, өз мақсаттарына жетуге рухани күш береді.Ұстаздар білімнің бастауына айналып, әр оқушының жеке қабілетін дамытады. Ұстаз болу-тек кәсіп емес, ол үлкен жауапкершілік пен сүйіспеншілікке негізделген қызмет.
Менің ойымша ұстаз – адам өмірінің маңызды кезеңдерінде үлкен рөль атқаратын тұлға. Ұстаздың еңбегін бағалау-тек оның білім беру саласындағы үлесін ғана емес, сонымен қатар қоғамның дамуына қосқан зор үлесін бағалау.Ұстаздарға деген құрмет-болашаққа деген сенім мен үміттің көрінісі. Олай болса, өзім білім алып жатқан мектебімнің ұстаздарына үлкен алғыс білдіре отырып, еңбектеріңізге үлкен шығармашылық табыс тілеймін!
Ауесхан Үміт Қанатқызы,
С.Серкебаев атындағы мектеп-гимназиясының
8 ә сынып оқушысы.
