Өмірдің өзі де ұстаз. Бірақ осынау «ұстаз» сөзінің астарында мыңдаған білім мен ғылым, махаббат пен сүйіспеншілік жатқанын байқай бермейміз. Ұстаз болу кез келгеннің қолынан келе бермейді. Шәкірт тәрбиелеу, оны биікке жетелеу, қанаттандыру, жаны мен тәнін, болмысы мен барын беру тек ұстаздың қолынан келетін қасиеттер.
Әрбір көзі ашық адам сауатын ашу үшін ең бірінші ұстазға жүгінеді. Ал ұстаздың міндеті ештеңеден хабары жоқ шәкірттен тұлға дайындау.
Ыбырай Алтынсарин «Жақсы ұстаз мектептің жүрегі» деп айтқаны бекер емес.Шын мәнінде, ұстаз- білім ордасының басты тірегі, оның жаны мен рухы. Жақсы ұстаз білім мен тәрбиені шебер ұштастыра отырып, әрбір оқушының қабілетін ашып, олардың үлкен өмірге сенімді қадам басуына мүмкіндік береді.
Менің ойымша, ұстаз тек оқулықтармен шектелмей, оқушылардың жаңа идеяларын жүзеге асыруға ынталандырады. Сонымен қатар, ұстаздың қолдауы мен демеуі оқушының жетістікке жетуіне көмектеседі.Бәрімізді өз баласындай көріп, ақыл айтып көп нәрселерді үйретіп жүретін ұстаздардың орны қашан да ерекше! Дегенмен, менің түсінігімдегі ұстаз-ой өрісі биік, ұлты мен Отанының болашағы үшін тер төгіп, шыдамдылық пен табандылықтың үлгісін көрсетуші, өз бойындағы асыл қасиеттері мен қоғамды өрге өркендетуші, жаңашылдықтық бастаушысы, жүрегі жылы, көңілі- дарқан адам.
Қортындылай келе ұстаз шәкіртке болашаққа деген сенім мен үміт сыйлайтын тұлға. Әрбір шәкіртке бағыт-бағдар беретін ұлағатты ұстаздарымызды құрметтеп, қадірлеуіміз керек. «Ұстазды- ұлы тұлға» деп атауымыз бекер емес. Өзім білім алып жатқан С.Серкебаев атындағы мектептің ұстаздарына алғысым шексіз.
Өжек Нұрдана Саятқызы,
С.Серкебаев атындағы
мектеп-гимназиясының
8 ә сынып оқушысы.
