ТАМА БАБАҒА АРНАЛҒАН ТУРНИР

1436

Кеген аудандық спорттық-сауықтыру кешенінде дзюдо күресінен 2012-2013 және 2009-2010 жылы туған жасөспірімдер арасында Албан елінен шыққан Тама бабаны, биді еске түсіруге арналған Алматы облысының ашық біріншілігі өтті. Сөз орайында айта кеткен жөн, бұл біріншілік жыл сайын өтетін дәстүрлі жарыстардың қатарына енгізіліп отыр. Баба ұрпақтары өткен жылы Кеген асуынының маңындағы Алматы – Кеген тас жолының шетінен, Темірлік ауылының тұсынан Тама бабаға арналған есккерткіш тұрғызып, Қарқара жайлауында үлкен ас беріп, ат бәйгесін ұйымдастырды.

Жарысқа облыстың барлық аудандарынан және Жетісу облысынан, Алматы, Талдықорған қалаларынан келген командалар қатысты. Салтанатты ашылысында Кеген ауданы әкімінің міндетін атқарушы Кеңес Қабылбеков, облыстық дене шынықтыру және спорт басқармасынан дзюдо күресінен әлем кубогының иегері, Еуропаның 2 дүркін чемпионы, Азияның чемпионы Елмұрат Қайыпжанов, жарыстың бас төрешісі, дзюдо, самбо күресінен спорт шебері, Жамбыл ауданының бас төрешісі Ержан Нұркеев, Тама елінің биі Манат Исенбаев сөйлеп, жарысқа қатысушыларға сәттілік тіледі.  Осы күні қазақ күресінен Әлемнің екі дүркін чемпионы, халықаралық спорт шебері Бауыржан Тәліпке, Тама баба руынан шыққан дзюдо күресінен Қазақстанның 3 дүркін чемпионы, Еуропа, Азияның 2 дүркін чемпионы Аян Байғазыға иықтарына шапан жабылып, құрмет көрсетілді. Салтанатты сәтте Кеген ауылының қадірменді қариясы Ілехан Тастанов көпшілікке ақ батасын берді.

Өте жоғары деңгейде тартысты өткен жарыстың қортындысы бойынша Алматы қаласының командасы 1 орынды, Еңбекшіқазақ ауданының командасы 2 орынды, Қарасай ауданының командасы 3 орынды, Ілеу ауданының командасы 4 орынды иеленді. Жасөспірім палуандар арасынан әр түрлі салмақ дәрежесінде Х. Жедел, І. Бердібек, Х. Әуелбек, А.Тойжан, А, Ибрагим, Ж. Ғабдуашим, Е. Камильхан, Н. Жанарбек, Е. Ерболатұлы, Ш. Тәңірберген  чемпион атанды.