ПАЙДАЛАНЫЛМАЙ ЖАТҚАН ЖЕРЛЕР ҚАЙТАРЫЛУДА

Рас, Кеген ауданына облыс әкімікелген сайын жұртшылық пайдаланылмай жатқан жерлер, жетіспей жатқан жайылымдық жерлер ұсыныс-тілектерін айтып жатады. Бұл орынды да. Осығна орай Кеген ауданының әкімі Талғат Байедилов сала басшыларына нақты тапсырмасын бері, нәтижелі жұмыстарын жүргізіп келеді. Өткен жылдың ауқымында өңірдегі ауылшарушылығына қажетті жерлерді түгендеу мақсатында жұмыстар жүргізілді. Соның нәтижесінде пайдаланылмай жатқан 3812 гектар жер ауданның жер қорына қайтарылды. Оның ішінде 3797 гектар жайылымдық, 10 гектар егістік, 5 гектар шабыстық жер бар. Аудан аумағындағы 6 ЖШС-тің өз мақсатында пайдалынылмай жатқан 16593 гектар жайылымдық жерлері анықталып, облыстық жер ресурстарын басқару департаментіне жолданды. Өңір тұрғындарының жайылымдық жер учаскелерінің жетіспеушілігін тиімді шешу мақсатында аудан әкімінің қаулысы негізінде 7073 гектар жайылымдық жерлер анықталып, мемлекеттік мұқтаждық үшін қайтарып алуға жұмыстар жүргізіліп жатыр. Өткен жылы конкурс арқылы 2723 гектар жер телімдері ауыл тұрғындарына үлестіріліп берілді. Бұл игілікті шаруа биыл да жалғасатын болады.

                                                                                     Қ. Сатыпалды,

                                                                                     Кеген ауданы.