Алматы облысы әкімдігінің қолдауымен, Кеген ауданы Жалаңаш ауылында қысқы спорт түрлерінен қысқы спорт мектебі ашылды. Аталған шараға аудан әкімінің орынбасары Қабылбеков Кеңес Күнесбайұлы, аудандық маслихат хатшысы Әлімбай Тұрсынбайй Тоекеұлы, Алматы облысының дене шынықтыру және спорт басқармасының басшысы Теңізбаев Нұрбақыт Молдахметұлы, Қоғам қайраткері Айтжанов Аян Айтжанұлы, сондай-ақ ауыл тұрғындары мен ұлағатты ұстаздар қатысты. Қысқы спорт мектебінің ашылу салтанаты Ж. Ермегияев атындағы орта мектепте болды. Аудан әкімінің орынбасары Қабылбеков Кеңес Күнесбайұлы өз сөзінде «Адамның қос қанаты мәдениеті мен спорты. Ауданымызды ерек етіп тұрған да спорт саласы. Биылдың өзінде біршама жетістіктермен қоржынымыз толды. Мұның бәрі, күн-түн демей шәкіртін шыңға жетелеген ұстаздардың, аудан намысын қорғап, көк туын қалықтатқан аудан спортшыларының жетістігі» – деп, биылғы жылдың жетістіктеріне баса тоқталды. Әлімбай Тұрсынбай Тоекеұлы да жұртшылықты құттықтады. Айтжанов Аян Айтжанұлы аталған мектептен талай саңлақтардың түлеп ұшқанын тілге тиек етті. Теңізбаев Нұрбақыт Молдахметұлы: «Жаңа облыстық қыстық спорт мектебі басқа аудандардың көбінде жоқ мүмкіндік. Сондықтан спортшыларға қолдау көрсетіп, ауа райының қолайлылығына қарай аталған мектепті жоспармен ашуды жөн көрдік. Ендеше, ауданнан әлем чемпинодары шықсын!» – деп, ақжүректі тілегін төкті. Сондай-ақ, аудан әкімдігі мен аудан жұртшылығына ерекше ілтипатын білдірді. Ардагер спортшы Есжанов Қасымхан : «Ауылымыз гүлденіп, ауданымыздың намысы биікте қорғалсын, Алға!» – деп сөзін түйіндеді. Жас спортшы, Ж.Ермегияев атындағы орта мектептің 11-сынып оқушысы Мирас Болатұлы ағаларға алғысын білдіріп, жастарды жеңіске бірге жетуге үндеп, жүрекжарды жыр шумақтарымен көпшіктің көңілінен шықты.
Қысқы спорт мектебінің лентасы қиылып, аналардың шашуы шашылды. «Ел игілігіне берілген жаңа спорт мектебі, жаңа чемпиондарды дайындайтын мектеп болсын!» – деп біз көпшіліктің қуанышына ортастық!
Әділет Жаңғабылұлы,
Жалаңаш ауылы.
