«Ақбастау» мәдениет үйі «Жұмыспен қамту жол картасы» негізінде күрделі жөндеуден өткізілді.

723

 

“Жұмыспен қамту жол картасы” бағдарламасының арқасында Кеген ауданы Ұзынбұлақ ауылының тұрғындары үшін күрделі жөндеуден өтіп, қайта жаңғыртылған «Ақбастау» мәдениет үйі есігін айқара ашты. Бұл ауылдықтарға жаңа жылдық көңіл күй сыйлаған жағымды жаңалық болды.

Өткен жылы Кеген ауданында екі мәдениет үйі күрделі жөндеуден өткізілді. Соның бірі – осы “Ақбастау” мәдениет үйі.

Нысанның салтанатты ашылуына арнайы қатысқан аудан әкімі Талғат Байедилов ауыл тұрғындарын қуаныштарымен құттықтап, өнер шаңырағына заманауи дыбыс күшейткіш аппаратын сыйға тартты.
Сондай-ақ алдағы уақытта керекті құрал-жабдықтарды алуға қосымша қаражат бөлінетінін айтты.

Ауылдық ақсақалдар алқасының төрағасы Марат Тақабаев мәдениет үйіне күрделі жөндеу жүргізген мердігер мекеме “Энерго Строй Проект” ЖШС-нің директоры Сейітжан Жұмахановқа тұрғындардың алғысын жеткізді. Сол сияқты сазгер, ҚР Мәдениет қайраткері Жақсылық Әбдіраманов, “Энерго Строй Проект” ЖШС-нің директоры Сейітжан Жұмаханов ізгі лебіздерін білдірді.

Атап өтсек, «Ақбастау» мәдениет үйі «Жұмыспен қамту жол картасы» негізінде күрделі жөндеуден өткізілді. Құрылыс жұмыстарын жүргізген – “Энерго Строй Проект” ЖШС. Ғимаратта би залы, бокс залы, спорт зал, кітапхана, сахнасы безендірілген үлкен мәжіліс залы бар.