Үгіт-насихат жұмыстары әлі де қарқынды жүріп жатыр

Бүгін аудандық мәслихат депутаттығына үміткер кандидаттар Ұзынбұлақ ауылдық округінде ауыл тұрғындарымен кездесу өткізіп қайтты. Кездесу барысында кандидаттар партияның сайлауалды бағдарламасын түсіндіріп, сайлауалды бағдарламаның негізгі басымдықтарына тоқталып өтті.Сонымен қатар, үміткерлер сайлаушыларды мазалаған сұрақтарына жауап беріп,ұсыныс тілектерін тыңдады.
Жиын соңында аудандық мәслихат депутаттығына үміткер Мұқаев Алмас Нұртілеуұлы “«Nur Otan» партиясының сайлауалды бағдарламасымен таныстыңыздар, біз алға қойған мақсаттар мен міндеттердің орындалатынына сенімдіміз. Бағдарламаның іске асырылуына партияластар бірігіп, жетістіктерге қол жеткіземіз. Ендеше қиындықтарды еңсеріп, жеңіске бірге жетейік! «Nur Otan» партиясына дауыс беріңіздер!”-деп жиынды қорытындылады.

Сайлауға әзірлік жұмыстары бір айдан бері толассыз жүріп жатыр.

🩸28.12.2020 ж. аудандық мәслихат депутаттығына үміткерлер Оқас Нұрмаман, Тлеулиев Алмас, Қайырбекова Майрагүл, Мұқанова Гүлмира, Біржансалова Тоғжан Тасашы ауылдық округінің тұрғындарымен кездесіп, алдағы өтетін сайлау науқаны жайлы түсіндіру жұмыстарын жүргізді. Талқыланған басты тақырып – Кеген аудандық “Nur Otan” партиясының алдағы бесжылдыққа құрылған сайлауалды бағдарламасымен таныстыра отырып, сайлаушыларды мазалаған сұрақтарына жауап берді.

🩸Кездесу соңында үстіміздегі жылдың қаңтарында болатын сайлауда белсенділік танытып, партияға дауыс беруге шақырды.