«Nur Otan» партиясының республикалық сайлауалды штабы өкілдері ауданның шаруақожалық төрағаларымен кездесті

424

 

2021 жылғы 10 қаңтарға тағайындалған Қазақстан Республикасы Парламенті Мәжілісі және мәслихаттары депутаттарының кезекті сайлауы жөніндегі сайлау құжаттарының нысандарын белгілеу туралы Қазақстан Республикасы Орталық сайлау комиссиясының 2020 жылғы 21 қазандағы № 29/336 Қаулысына Қазақстан Республикасының Президенті Қасым-Жомарт Тоқаев қол қойып, саяси дода өтетін күнді белгілегені баршаға аян. Сондай-ақ халыққа үндеу жариялап, бұл жолғы науқанның ерекшелігін атап өтті. Және де, биыл «сайлау» және «партия» туралы заңдарға да түзетулер енгізілді. Атап айтқанда, партия туралы заңда саяси ұйымды тіркеу үшін қажетті мүшелер саны 40-тан 20 мыңға азайған. Ал «сайлау» туралы заңда партиялық тізімге әйелдердің 30 пайыздық, ал жастарға 20 пайыздық квота енгізілді. Бұл ел үшін маңызды әрі тың заң жобаларды дайындауға елеулі септігін тигізетіні айдан анық.
Елімізде өткелі жатқан көлемді саяси науқанға аудан тұрғындарымен ой бөлісу үшін «Nur Otan» партиясының сайлауалды бағдарламасын түсіндіру мақсатында Республикалық сайлауалды штабының өкілдері келді. Нақтырақ айтқанда, Республикалық сайлауалды штаб мүшесі, Алматы облысы әкімдігінің жолаушылар көлігі және автомобиль жолдары басқармасының бастығы, ҚР Парламенті Мәжіліс депутаттығына кандидат Жақсыбаев Ержан Бәкірбайұлы, Республикалық сайлауалды штаб мүшесі, Алматы облысының мәслихат депутаты «Асем Алма» шаруақожалығының төрағасы Аубакиров Мұрат Аманкелдіұлы, Республикалық сайлауалды штаб мүшесі, «Риголит» ЖШС директоры, Алматы облыстық мәслихат депутаттығына кандидат Сарсеков Сайдулла Камалұлы, Республикалық сайлауалды штаб мүшесі, Ұйғыр ауданыдық ауруханасының дәрігері, Алматы облыстық мәслихат депутаттығына кандидат Ақжолтаева Әлия Ақжолтайқызы ат басын бұрып, аудандық партия филиялының аппаратының мамандары, Аудандық ақсақалдар алқасының төрағасы, аудандық шаруақожалық төрағаларымен кездесіп, ой-пікірлерін алмасты.
Модератор ретінде «Nur Otan» партиясы Кеген аудандық филиалы төрағасының бірінші орынбасары Мұқаев Алмас Нұртілеуұлы сөз бастап, киелі топыраққа жол тартқан, елдің әл-ауқатымен танысуға келген штаб өкілдеріне сөз беріп тұжырымға толы кездесу ұйымдастырды. Сондай-ақ жол, газ, түйіткілді мәселе ретінде қаралды. Жиынға қатысушылардан да санаға сіңімді сұрақтар қойылып, көңіл толтырарлық жауаптар да берілді. Сөз соңын Аудандық ақсақалдар алқасының төрағасы Сабыр Досымбеков атамыз аяқтап, осынау таулы өлкеге ат басын бұрған азаматтар мен азаматшаларға аудан тұрғындары атынан жылы лебізін білдіріп, ыстық ықыласын жеткізді.
Ендеше, ел дамуының жаңа биігіне ұмтылып, «Қазақстан-2050» Стратегиясымен «100 нақты қадам» Ұлт жоспарының іске асуына жұмыла қызмет етіп, еліміздің ең дамыған 30 мемлекеттің қатарынан табылуына ат салысу сіз бен біздің басты міндетіміз!