«Аяз атадан сыйлық» акциясы

611
29-желтоқсан «Аяз атадан сыйлық» акциясы аясында Кеген ауданының Жастар ресурстық орталығының ұйымдастыруымен Іскер әйелдер Кеңесінің демеушілігімен «Жаңа жыл – 2021» қарсаңында Кеген ауылындағы көп балалы аналар мен мүмкіндігі шектеулі балаларды жаңа жылымен құттықтап, сый сыяпат табыстады. Әр шаңыраққа ат басын бұрып ерекше жүрекжарды тілектер мен ниеттерін жеткізіп, еріктілердің де әні шырқалды. Ақ бата мен жаңа жылға деген жаңа тілектер тыңдалды. Адамгершілік пен мейірбандықтың біртұтас көркін келтірген бұл акция өскелең ұрпаққа үлгі болса, көпбалалы аналар мен мүмкіндігі шектеулі балаларға көрсетілетін ілтипат пен ізгілік нұрынының бар екендігінің айқын дәлелі болды. Әр аттаған босағада әр баланың жай-күйі мен көпбалалы аналардың ұсыныс-тілектері де тыңдалды. Алдағы уақытта да көңіл көкжиегін көкке көтерер акциялардың ауданымыздан бастау алып, аудан тұрғындарының жүрек төрінен орын алатынына сенім мол!

Әділет Жаңғабылұлы, Кеген ауылы