«Керуен» іс-шарасы өтті
Мемлекет басшысы Қасым Жомарт Тоқаевтың Қазақстан халқына арнаған Жолдауында 2025 жылды «Жұмысшылар жылы» деп жариялаған болатын. Осыған орай аудан орталық алыңында «Кереуен» іс-шарасы өтті.
Бұл шараның негізгі мақсаты–еңбек адамын дәріптеу, жастарды адал еңбекке баулу, қарпайым жұмысшы мамандықтарының қадір-қасиетін ұғындыру болып табылады. Бұл игі шара жас буынға еңбек ете отырып, өз кәсібін, нақтылау мен адал еңбек етуге шақыруды көздейді. Ең алдымен қолөнер сондай-ақ, еңбек өтілінің алды шебінде тұрған мамандықтар көрмесі таныстырылып, ондағы еңбек адамының туындылары таныстырылды.
Алғаш құттықтау сөз алған аудан әкімі Нұрбақыт Теңізбаев: – «Бұл шара – қоғам дамуының негізгі тірегі болған еңбек адамының мәртебесін көтеруге, олардың қоғамдағы ролін айқындауға, мамандыққа деген бағыт- бағдар беретін ерекше игілікті шара болмақ. Адал еңбегімен өңіріміздің өркендеуіне үлес қосып жүрген барша жұмысшы қауымына аудан халқы атынан алғыс білдіремін»,- деп, төмендегі бір топ мамандарды аудан әкімінің Алғыс хатымен марапаттап, сый-сыяпат табыс етті.
«Керуен» жобасын ұйымдастыруға қосқан үлестері үшін аудан әкімі Нұрбақыт Молдахметұлы Алматы облысының қызмет көрсету және тамақтандыру саласындағы инновациялық технологиялар колледжі ұжымына, «Қазақстан этнодизайнерлер Одағы» Қоғамдық бірлестігінің ұжымына, «Сарыжаз кәсіптік- техникалық колледжі» ұжымына, «Кеген МясоПром» ЖШС бас директоры Баймолдаев Тоқтарбекке, «Көлсай кәсіптік-техникалық колледжінің» өндірістік оқыту шебер Қабылов Нұрсұлтанға, Кеген-Райымбек желілік техникалық цехның 7 дәрежелі электромонтеры Молдабеков Айдынға, Кеген Электр торабы ауданның бас инженері Сұлтанов Айбекке, «Көлсай көлдері» мемлекеттік ұлттық табиғи паркі өрт сөндіру автокөлігінің жүргізушісі Шарғынов Мақсатқа, «Кеген МясоПром» ЖШС қызметкері Қалжатаев Дәулетке, жеке кәсіпкер Ербол Дамираға, Кеген ауылы балалар өнер мектебінің бейнелеу өнері пәнінің мұғалімі Әлімқұл Олжасқа Алғыс білдіріп, сый табыс етті.
Алматы облысының қызмет көрсету және тамақтандыру саласындағы иновациялық тенологиялар колледжінің директоры Кішібаева Бақытгүл, Жалағаш ауылдық округ әкімі Садырова Айгүл, жастар атынан Оспанжан Ақниет сөз сөйлеп ізгі ниетін білдірсе, аудандық ардагерлер кеңесінің төрағасы Досымбеков Сабыр ақсақал ақ батасын берді.
Елімізде соңғы жылдары еңбек адамының беделін арттыруға бағытталған ауқымды жұмыстарға үлкен мән берілуде. Ел Президенті Қасым Жомарт Тоқаев «Әділетті Қазақстан» құру жолында білімді, білікті кәсіби мамандардың орны бөлек»,- деп атап көрсеткен болатын. Бұл тұрғыда жұмысшы мамандық иелерінің қоғамда сұранысы мен маңызы артып келеді. Қай кезеңде болмасын, өндіріс пен ауыл шаруашылығы, құрылыс, қызмет көрсету саласының алдыңғы шебінде – адал еңбек етіп жүрген қарапайым жұмысшылар тұратыны белгілі. «Керуен» жобасының көздеген мақсаты да сол – еңбек адамының абройын асқақтату мен жастарды жұмысшы мамандықтарға тарту мен олардың қызығыушылығын арттыру.
Қысқа мерзімді кәсіптік оқыту бойынша бүгінгі күнге 20 азамат «Аспазшы», 6 азамат «Орманшы» мамандықтары бойынша «Көлсай» кәсіптік-техникалы колледжіне жіберіліп, бітірісімен мамандықтары бойынша жұмысқа орналасты. Enbek.kz сайты арқылы 160 жұмыссыз азамат оқыту жоспарланып, 272 азамат оқытылған. 2025 жылы «Жаңа бизнес идеялары» іске асыруға бағытында 10 азамат мемлекеттік қайтарымсыз грант ұтып алып, өз кәсібін ашты.
Іс-шара соңы аудандық мәдениет үйі өнерпаздарының концерттік бағдарламасына ұласты.
