Сайлау учаскеңізді онлайн анықтаңыз

Сайлау – әр азаматтың елдің қоғамдық-саяси өміріне қатысуына мүмкіндік беретін маңызды конституциялық құқық. Осыған байланысты дауыс беру күніне алдын ала дайындалып, өзіңіз тіркелген сайлау учаскесін нақтылап алған жөн.

Қазақстанда сайлаушылар тізімі азаматтардың тұрғылықты жері бойынша тіркелу деректері негізінде қалыптастырылады. Бүгінде сайлау учаскесі туралы ақпаратты цифрлық сервистер арқылы онлайн режимде тексеруге мүмкіндік бар.

Азаматтар eGov Mobile мобильді қосымшасы және GOV.KZ порталы арқылы ЖСН мен өңір туралы мәліметтерді енгізіп, өзіне тиесілі сайлау учаскесінің нөмірін, орналасқан жері мен нақты мекенжайын анықтай алады.

Сонымен қатар сайлаушылар дауыс беру күніне дейін өздерінің сайлаушылар тізіміне енгізілгенін және ондағы деректердің дұрыстығын тексеруге құқылы.

Сондықтан әр азаматқа сайлау күніне дейін өз сайлау учаскесін анықтап, қажетті мәліметтерді алдын ала тексеру ұсынылады.

Өз таңдауыңызға жауапкершілікпен қарап, сайлау учаскеңізді алдын ала анықтап алыңыз!