Меніңше, Құрылтай сайлауы – елдегі маңызды мәселелерге жастардың да назар аударуына мүмкіндік беретін жақсы бастама

Меніңше, Құрылтай сайлауы – елдегі маңызды мәселелерге жастардың да назар аударуына мүмкіндік беретін жақсы бастама. Біз көбіне оқу, жұмыс, болашақ жоспарларымызбен жүреміз. Бірақ елде болып жатқан қоғамдық өзгерістерден де хабардар болуымыз керек деп ойлаймын.

Жастардың ұсынысы мен пікірі ескерілгені маңызды. Әсіресе ауылдағы жастардың тұрақты жұмыс табуы, кәсіппен айналысуы, спортпен және шығармашылықпен шұғылдануы үшін жағдайдың болғанын қалаймыз. Туған жерде қалып, өз еңбегімізбен ауданымыздың дамуына үлес қосу – біз үшін де үлкен мүмкіндік.

Құрылтайдан елдің қарапайым тұрғындарының мәселелеріне көңіл бөлініп, халыққа қажетті бастамалар жүзеге асады деп сенемін. Біз, жастар, елдің болашағын дайын күйінде күтпей, өзіміз де білім алып, еңбек етіп, қоғамға пайдалы болуға ұмтылуымыз керек. Мен үшін елге деген жауапкершілік осындай қарапайым істерден басталады.

Толонқызы Гүлназ