Мен Құрылтай сайлауына немқұрайлы қарамаймын

Мен Құрылтай сайлауына немқұрайлы қарамаймын. Себебі елде болып жатқан маңызды өзгерістер мен қабылданатын шешімдер біздің де болашағымызға әсер етеді. Сондықтан жастардың осындай қоғамдық үдерістерге қызығушылық танытып, өз пікірін білдіргені дұрыс деп ойлаймын.

Қазір жастар үшін білім алу, жұмысқа орналасу, кәсіп бастау, өз қабілетін дамыту сияқты мүмкіндіктер маңызды. Әсіресе ауыл жастарына қолдау көрсетіліп, туған жерінде еңбек етуіне жағдай жасалса, бұл ауылдың да, ауданның да дамуына үлкен үлес болар еді.

Құрылтайда халықтың ұсыныстары мен жастардың ой-пікірі ескеріліп, нақты мәселелерге көңіл бөлінеді деп сенемін. Біз де елден тек мүмкіндік күтпей, өзіміз білім алып, еңбек етіп, қоғамға пайдалы болуға тырысуымыз керек. Қазақстанның болашағы бүгінгі жастардың белсенділігі мен жауапкершілігіне байланысты деп есептеймін.

Тәліп Нұркен