Бозкілемде белдесті
Кеген аудандық балалар мен жасөспірімдер спорт мектебінде қазақ күресінен жасөспірімдер арасында әлемнің екі дүркін, Азияның үш дүркін жеңімпазы, ҚР еңбек сіңірген жаттықтырушысы Бауыржан Тәліптің жүлдесіне арналған республикалық турнир өтті.
Басты мақсат ұлттық спорт түрін балалар арасында кеңінен насихаттау және жас балуандардың тәжірибесін арттыру.
Таулы өлкеде бастау алған Бауыржан Таубалдыұлы турнирінің республикалық деңгейге көтерілуі өңірде қазақ күресінің серпін алып, жастардың спортқа қызығушылығын еселей түсті. Бұл-болашақ чемпиондардың бастауы, салауатты елдегі самғаудың белгісі. Аталған жарыста еліміздің әр аймағынан келген 250 жас балуан 10 салмақ дәрежесі бойынша бақ сынады. Турнирдің ашылу салтанатында Кеген ауданы әкімінің міндетін атқарушы Мұхтар Батырханұлы қатысушыларға сәттілік тіледі.
-Ұлттық рухтың бір көрінісі біздің төл спортымыз-қазақ күресі. Бұл спорт түрі еркін еліміздің ғана емес, күллі әлемнің ареналарында лайықты орын алып, Қазақстанның атын асқақтатып келеді. Бүгінде қазақ күресі еліміздің шеңберінен шығып, әлемдік спорт аренасына кеңінен тарауда. Бұл спорттың беделі артып, жас ұрпақтың оған деген қызығушылығының жылдан жылға артып келе жатқандығының дәлелі,-дей келе Бауыржан Таубалдыұлын аудан әкімінің Алғыс хатымен марапаттап, иығына шапан жапты.
Шараға арнайы келген қонақтар аудан әкімінің орынбасары Кеңес Қабылбеков, мәслихат төрағасы Алмасбек Нөкербанұлы, спортшының алғашқы жаттықтырушысы, ақын Шеризат Мекебаев, ҚР еңбек сіңірген жаттықтырушысы Қапар Тоқтарбайұлы, жарыстың бас төрешісі Қуанжан Қубекұлы, қазақ күресінен спорт шебері Азамат Қабденұлы, Кеген ауылдық округінің әкімі Ернат Ысқақ, ардагер спортшы Дүйсен Бозбашаевтар Бауыржан Таубалдыұлының спорттағы жетістігіне жан-жақты тоқталып, бозкілемде белдеспекке түсетін бозбалаларды жігерлендіріп, турнир жеңімпазы болуға тілектестігін білдірді. Аудандық ардагерлер кеңесінің төрағасы Шыңғыс Тұрсынов жас балуандарға ақ батасын берді.
Күн ұзаққа созылған жарыс қорытындысы бойынша әр салмақта жеңімпаздар анықталды, атап айтқанда 42 кг салмақ дәрежесінде І орын Ерік Омар (Алматы облысы, Жамбыл ауданы), ІІ орын Жәнібек Серғазыұлы (Алматы облысы, Жамбыл ауданы), ІІІ орын Тілек Асыл (Талғар қаласы), Ерсұлтан Нұрбайұлы (Алматы облысы, Кеген ауданы) иеленсе, 46 кг салмақ дәрежесінде І орын Исмайл Айдос (Алматы қаласы), ІІ орын Батырбек Сүндет (Алматы қаласы), ІІІ орын Жұман Мадияр (Алматы облысы, Іле ауданы), Ақынғазы Ернар (Алматы қаласы) иеленді.
50 кг салмақ дәрежесінде І орын Нұрислам Ерсейітов (Қызылорда облысы), ІІ орын Мейрамбек Ерсұлтан (Алматы қаласы), ІІІ орын Бахтияр Ерсұлтан (Алматы қаласы), Рамазан Жамаловқа (Алматы қаласы) бұйырды.
55 кг салмақ дәрежесінде І орын Тоқтасын Бекжан (Жетісу облысы), ІІ орын Ғалымжан Исатай (Алматы қаласы), ІІІ орын Кенжебек Бақдәулет (Алматы облысы), Нұрлықан Абылай (Алматы облысы) иеленсе, 60 кг салмақ дәрежесінде І орын Сьезд Әнуар (Алматы облысы, Қарасай ауданы), ІІ орын Амангелді Азат (Алматы қаласы), ІІІ орын Рыскелді Әмірхан (Алматы облысы, Кеген ауданы), Асан Дінаман (Алматы облысы, жамбыл ауданы) иеленді.
65 кг салмақ дәрежесінде І орын Жұмағазин Жантөре (Қостанай облысы), ІІ орын Айдар Сырымжан (Алматы қаласы), ІІІ орын Қабден Нұрасыл (Қостанай облысы), ІІІ орын Сағатбек Нұрәли (Алматы қаласы) жеңімпаз атанды.
70 кг салмақ дәрежесінде І орын Ливитский Тимур (Алматы облысы, Балқаш ауданы).
ІІ орын Амандық Рамазан (Қостанай облысы), ІІІ орын Жұлдыз Марлен (Алматы облысы, Іле ауданы), Дарын Есімханұлы (Алматы облысы, Жамбыл ауданы) иеленді.
75 кг салмақ дәрежесінде І орын Нұралы Сапаров (Қостанай облысы), ІІ орын Асанәлі Әли (Алматы облысы, Іле ауданы), ІІІ орын Тілеужан Қуаныш (Алматы облысы), Айтпанбет Ақжол (Алматы облысы, Кеген ауданы) иеленді.
80 кг салмақ дәрежесінде І орын Бондаренко Рамазан (Жетісу облысы), Өмірбай Дінмұхаммед (Алматы облысы, Қарасай ауданы), ІІ орын Айтқұл Дінмұхаммед (Қостанай облысы), ІІ орын Серік Ерғанат (Алматы облысы, Іле ауданы), ІІІ орын Рахым Хамза (Алматы облысы), Серікбек Айбек (Алматы облысы, Іле ауданы), ІІІ орын Мирас Еңсебаев (Алматы облысы, Іле ауданы), Ертай Дінмұхаммед (Алматы облысы, Райымбек ауданы ) жеңіс тұғырынан көрінді.
Жеңіс тұғырына жайғасқан жеңімпаздар мен жүлдегерлерге арнайы кубок, медаль, диплом, ақшалай сыйлықтар табысталды. Бұл байрақты бәсекеде айрықша күш-жігерімен танылған темір қанат жас түлектер көптеген дүбірлі додаларда Алашқа олжа салады деген ойдамыз.
Ең бастысы, балуандар турнирі аясында мол тәжірибе жинақтады.
Дәурен ЕРМЕКБАЙ.
