Ширек ғасырда ширыққан ұжым

834

Таң қылаң бере Кегеннен қозғалған өнер тарландары Талдықорған қаласына бағыт алды. Ілеге жақындағанымызда күн арқан бойы көтеріліп көктем шуағымен сұлулана түскен табиғатқа  тамсанып келеміз . Қоңырөлеңнің қырқа- қырқасы масаты кілемдей құлпырып тұр. Алтын емелдің асуына жеткенімізде бабаларымыздың таңдау жасаған жері, жап – жасыл жайлауы өткенді еске түсіріп, ойымды сан саққа сүйрегені рас. Қарасаң көз тоймайды. Ширек ғасыр ширыққан театр ұжымы бір Аллаға сиынып сиқыр өнердің сынынан көркем театрлар арасында өтетін додадан сүрінбей өтсек деген ойларын жасырмағаны рас. Театр әртістері қаншама жылдардың қайнаған тай қазанында пісседе Талдықорғанның Бикен Римова атындағы драма театрында, яғни киелі сахна төрінде өнер көрсету біріншіден мақтаныш болса, екіншіден аудан халқының аманаты екені бір сәт естерінен шықпай естерін шығарғаны өтірік емес. Кеген халық театры 1967 жылы Кеген ауылында құрылып, театрды ең алғашқы құрушы Тұрлыбек Иманбаланов болатын.  1968 жылы Мәдениет Минстрлігін облыс басшылығының қолдауымен Кеген халық театр атағын алды. Мәдениет минстрлігінің жолдамасымен 1970 жылы театр режиссеры болып Нағима Таласбаева Бейсекқызы келді. Әр үш жыл сайын театр атағын қорғап, 1971 жылы Халық театрлар арасында Қ.Аманжоловтың«Досымның үйленуі», Ш.Айтыматовтың «Алғашқы мұғалім» атты спектакльдерін сахналап, 1975 жылы Толина эстономияда өткен халықаралық «А»Копелла хор конкурсына театр ұжымы қатысып бірінші дәрежелі дипломмен марапатталды.

1977 жылы бүкіл одақтық фестивальінде драматург О.Бөкеевтің «Құлыным менің» драмасы көрсетіліп Қаз ССР жоғарғы советінің кіші алтын «Құрмет» медалімен марапатталды. Т.Әліпбаевтің «Даладағы дүбір» спектакілі қойылып , бүкіл одақтық фестивал лауреаты атанып «Алтын» медалға ие болды. Сол жылы мәдениет минстрлігінің құрметмен «Кубан» автобусын ұтып алып қуанышқа бөленген болатын. 1988 жылы Польшадағы Зеленегор қаласында өткен Халықаралық этнографиялық ансамблі конкурсқа қатысып , театр жанынан құылған «Тоғызбұлақ толқындары» фольклорын  этнографиялық ансамбл халықаралық дәрежедегі дипломмен марапатталды. 2002 жылы «Айман – Шолпан»спектаклін сахналағаным үшін облыс басшылары сыйға «Паз» автобусын берген күн әлі есімізден шықпай жүр дейді театр режиссеры Нағима Таласбаева, қуанышын  жасыра алмай.

“Кеген” Халық театры Талдықорған қаласындағы өнер ошағы, қазіргі заманның талаптарын үйлестірген сәулет өнерініің жауhары, халықтың ең үлкен рухани ордасы Бикен Римова атындағы облыстық драма театрының киелі сахнасында М.Шамхаловтың “Қайын ене мен келін ” атты 2 бөлімді комедиялық қойылымын сахналап қайтты. Бұл комедияны тамашалауға 600 -ге жуық көрермен жиналды. Өмірдің бірде ащы, бірде тәтті болатыны секілді комедиялық қойылым бірде күлкіге қарқ қылса, енді бірде терең ойға батырып, көпшілікке тамаша көңіл – күй сыйлады. Қойылым біткен соң сана төріне көтерілген басшылыар өздерінің алған әсерімен бөлісіп, театр тарланы , мәдениет майталманы Таласбаева Нағима Бейсекқызына және театр өнерпаздарына шығармашылық табыс тілеп Алғыс хаттарын табыстады. “Кеген” Халық театрының өнерпаздарының өз рөлдерін жан -тәнімен беріле ойнауы , кәсіби театр әріптестерінен кем түскен жоқ. Халықта мұндай қойылымдарды сағынып қалса керек театр актерларының өнерлеріне ұзақ қол соғып қимай қоштасты.

Нұрболат Тастанқұлов, Ерғанат Әбдіреш (фото).