Көрікті Көлсайды тамашалады (жастар форумы)
Өткен аптаның соңғы күндері облыстағы жас тілшілер мен әдебиетшілердің жадында ұзақ сақталып қалары даусыз. Кеген ауданындағы табиғапты көркем де келісті Саты ауылдық округі аумағында, көрікті Көлсайда «Жетісу көктемі» атты жас тілшілер мен әдебиетшілердің ІІ облыстық форумы болып өтті. Рас, жер жаннаты Жетісу өлкесі болса, оның мөлдіреп қана жататын маржаны Көлсай көлдері болып тапбылады. Көлсай көлдері республикамыздың мақтанышы. Сырттан келген қонақтарға көрсметуге лайықты демалыыс орны. Оның аты мен атағы, табиғат әлемінің тамашасы алыс-жақын шетелдерге де таныс. Әсіресе, жаз маусымында туристерден, қонақтардапн арылмайды.
Облыстық жас тілшілер мен әдебиетшілердің форумын дәл осы өңірде өткізудің жөні де, жолы да бар. Өсіп келе жатқан дарынды, талантты жастарға туған өлкеміздің жақсы жерін көрсету арқылы шығармашылықтарына ықпал ету болып табылады. Әрі осындай көркем жерлерімізбен қуана, мақтана алатынымызды дәлелдеу.
Осынау өңірде Үкіметіміздің қаулысымен құрылғанына 10 жылдан асып кеткен «Көлсай көлдері» атты Ұлттық табиғи паркі мемлекеттік мекемесі жұмыс істейді. Форумға қатысушылар алғашқы күні Саты ауылының орталығына орналасқан аталған парктің ғимаратында секциялық отырыстарға қатысты. Оның жұмысын Қазақстан Жазушылар Одағы Алматы облыстық филиалының директоры Е. Жүнііс пен «Егемен Қазақстан» газетінің облыстағы меншікті тілшісі Қ. Мұқаметқали жүргізді. Екі бөлмеде өткізілген секциялық жұмыстарға облыстық тілдерді дамыту жөніндегі басқарманың басшысы Айдар Башбаев қатысып, форумның негізгі мақсат, мұраты туралы әңгімеледі. Форумға қатысушы жас тілшілер мен қаламгерлер өз ойларын ортаға салып, шығармашылықтарын бөлісті. Жас ақындар өлеңдерін оқып жатты. Осынау игі шарадан кейін көрікті Көлсайдың табиғатын тамашалады. Ең қуанарлығы, соңғы 3 жылдан бері Жалаңаш ауылынан Көлсайдың өзіне дейінгі жол жасалып, бітіп қалды. Тіпті, Саты ауылынан Көлсайға дейінгі жол асфальтталып тасталған. Еш қиындықсыз шамалы уақытта Көлсайда боласың. Мұның өзі көңілді марқайта түседі. Форумға қатысушылар мөп-мөлдір көлдің жағасында армансыз естелік суретке түсіп жатты.
Форумның жұмысы сенбі күні Саты ауылындағы мәдениет үйінде салтанатты түрде ашылды. Форумға аралған негізгі баяндаманы облыстық тілдерді дамыту жөніндегі басқарманың басшысы Айдар Башбаев жасады. Қазақ тілін бірте-бірте латын әліпбиіне ауыстыру мақсатына арналған іс-шаралар соңғы жылдардан бері жалғасын тауып келеді. Облыстың барлық аудандарында, елдімекендеріне жұртщшылықпен жиналыстар өткізіліп, латын әріпіне көшудің маңызы жан-жақты сөз болған. Бұған Тұңғыш Президентіміз-Елбасы Н. Назарбаевтың «Болашаққа бағдар: рукхани жаңғыру» атты мақаласы бірден-бір ықпалын тигізіп отыр. Елбасымыз «Латын әліпбиіне көшу – тіліміз үшін жасалған игі қадам. Ал, тіл – халқымыздың негізгі ұлттық коды»-деп атап көрсеткен болатын. Облыс тұрғындарының 60 пайыздан астамы латын әліпбиіне көшуді қолдап отыр. Облыстық басқарма арқылы «Латын әліпбиіне көшу – заман талабы» атты 19 бейнеролик жасалып, тұрақты көрсетілуде. Республикалық, облыстық және жергілікті басылымдарда екі мыңнан аса мақалалар жарық көрген. Облыста, бірқатар аудандарда тілді оқыту орталықтары жұмыс істейді. Енді қалған 10 ауданда осындай орталықтар ашылып, жұмысын жүргізетін болады. Басқарма арқылы 30 форматты анимацияланған кітаптар шығарылған. «Жаңа әліпбиді жазып үйренейік» атты онлайн сабақ жүргізіледі. Облыстық тілдерді дамыту басқармасының басшысы А. Башбаев «Жетісу көктемі» атты жас тілшілер мен қаламгерлердің форумы былтырдан бастау алғанын сөз етіп, биылғы басқосуды әдейі осынау көрікті өңірде өткізуді ұйғарғанын сөз етті. Бұл жас таланттардың шығармашылығына оң әсерін тигізетін болады. Бүгіннен бастап облыстық басқарма арқылы «Жастар жырлайды» атты байқаудың басталатынын алға тартып, оған белсене қатысуға шақырды. Байқаудың қортындысы тіл мерекесінде шығарылатын болады.
Жастар форумында Кеген ауданының әкімі Талғат Байедилов сөз алып, осындау облыстық үлкен форумды көрікті Көлсай аумағында өткізгендері үшін алғысын айтты. Жас талант иелеріне шығармашылық табыс тіледі. Форумда облыстық «Тіл» оқу-әдістемелік орталығының оқытушысы Ж. Елесбаева «Әліпби ауыстыру – қазақ жазуына реформа жасаудың алғы шарты» атты тақырыпта кеңінен сөз қозғады. Қазақстан Жазушылар Одағы облыстық филиалының директоры Е. Жүніс, «Егемен Қазақстан» газетінің облыстағы меншікті тілшісі Қ. Мұқаметқали, Ұйғыр аудандық «Қарадала тынысы» газетінің тілшісі С. Анварова, Іле ауданы Қараой ауылындағы №18 орта мектептің психологі В. Талюс сөз алып, ойларын ортаға салды. Кеген ауылының бір түлегі, талантты жас ақын Әлия Іңкәрбек жүрекжарды сөзін жеткізіп, Кеген ауылына арнаған бір өлеңін оқыды. Кеорбұлақ ауданындағы Д. Қонаев атындағы орта мектептің бастауыш сынып мұғалімі Кәмшат Шынарбаева бірінші сыныптарға арнап латын әліпбиін үйретудің кітапшасын шығарғанын сөз етіп, алдағы уақытта игілікті ісін жалғастырып, бастауыш сыныптарға арналған кітапша шығармақ ойы барын жеткізді. Мұны Білім және ғылым министрлігі келіссе, көпшілікке таратпақ ойы бар.Облыстық «Жетісу» телеарнасы «Оқырман» бағдарламасының сарапшысы Қозыбай Құрман мен облыстық «Жетісу» газетінің тілшісі Мұқтар Күмісбекк жастар форумына жырдан шашу шашты. Осылайша, мемлекетіміздің латын әліпбиіне көшуге арналған нысаналы жұмысы, іргелі мақсатына негізделген жастар форумы өз жұмысын сәтімен аяқтады. Жастар форуымына қатысушы жас талант иелері, қаламгерлер осындай басқосуға негіз қалаған облыстық тілдерді дамыту жөніндегі басқарманың атына, Кеген ауданының әкімдігіне, тиісті бөлімнің қызметкерлеріне жүрекжарды алғыстарын айтып, аттанды.
Қанат Біржансал, Кеген ауданы.
