Білікті маман –ұжым айнасы
Мемлекеттік қызмет саласында өз ісіне адалдықпен, жоғары жауапкершілікпен қарайтын тұлғалар мемлекет тірегі саналады. Өз қызметінің қыр сырын меңгерген кәсіби мамандар әр ұжымда баршылық. Кеген аудандық қазынашылық басқармасында бас қазынашы болып қызмет атқарып жүрген Нақысбекұлы Жанатта осындай мамандардың қатарына толық жатқызуға болады. 1993 жылы Кеген ауылында дүниеге келіп, осы ауылдағы К.Нұрпейісұлы атындағы мектеп –гимназияны 2000 жылы ойдағыдай аяқтаған Жанат өзі таңдаған қаржыгер мамандығын игеру үшін Алматы қаласына жоғарғы оқу орнына түсіп, студент атанып «қаржы несие» мамандығы бойынша жоғары білімді маман атанады. Мемлекеттік қызметке деген қызығушылығы артып, мемлекеттік қызметке орналасуға мүмкіндік беретін тесттен, конкурстан мүдірмей өтіп 2016 жылы Райымбек ауданында Б.Ақжігітов басқарып отырған қазыншылық басқармасына бас маман лауазымына жұмысқа қабылданады. Өзінің алғырлығы, білімділігі арқасында осы басқармадағы өз ісінің білгір мамандары Г.Омарбекова, Г.Асыранкулова, Ә.Тоқтамбековадан тәжірибе жинақтап қаржы саласының күрделі де қиын қазынашылық жүйесін тез меңгерді. Бүгінгі күнде озық мамандардың бірі. Мемлекеттік мекеме есепшілерінен келіп түскен түйінді мәселелерге толық кеңес беріп, бюджет қаражатының мақсатты жұмсалуына, игерілуіне күш-жігерін салудан шаршаған емес. Мектеп қабырғасында жүргенде таңдаған өмірлік жары Еңлікпен бас қосып бүгінде төрт баланы тәрбиелеп отырған үлгілі көп балалы отбасының отағасы. Бала кезінен спортты серік еткен Жанат ауданның спорт құрамасының белді мүшесі, мемлекеттік қызметшілер арасында өткізілетін облыстық спартакиаданың, аудандық жарыстардың жеңіс тұғырына бірнеше мәрте көтерілген жеңімпазы. Өзіне берілген тапсырмаларды тыңғылықты атқарып, жүктелген міндеттерді дұрыс, сапалы орындап, мемлекеттік қызметте өткерген аз уақыт ішінде «Мемлекеттік қызмет туралы» Заңның талаптарын, «Әдеп кодесі» ережелірін, бюджет заңдылығы талаптарын мүлтіксіз орындағаны үшін адал еңбегі еленіп аудандық қазынашылық басқармасының, Алматы облысы бойынша қазынашылық департаментінің, Қазақстан Республикасы Қаржы министрлігі мемлекеттік қазынашылық комитетінің Құрмет грамоталарымен, аудандық әкімдіктің Құрмет грамоталарымен, Алғыс хаттарымен бірнеше рет марапатталған.
Өзінің қызметін тыңғылықты, адал, жоғарғы жауапкершілікпен атқаратын, спорт десе ішкен асын жерге қоятын, үлгілі отбасының отағасы, адал мемлекеттік қызметкер Нақысбекұлы Жанаттың алар биіктеріне қиналмай шығып, биік шыңдардан көрінетініне сенімдіміз.
А.Айбол,
Кеген аудандық қазынашылық басқармасы басшысы орынбасары.
