Ұстаз мерейін асқақтатқан ғасыр мектебі
Жуырда «Ғасыр толған-білім ордасы» тақырыбында Ақтасты орта мектебінің 100 жылдық мерейтойы аталып өтілді. Тойдың болғанынан боладысы қызық демекші бір ғасыр жасаған мектептің осы күнге дейін тарихта қалу ең бірінші ұстаздардың арқасы десем артық айтпағаным. Мектептің 100 жылдық мерейтойын атап өту керек екенін қолға алып, ортаға ұсыныс тастаған тарихшы, бірнеше жыл мектеп директоры болған, ауыл тумасы Малбеков Нұр Қашланұлы болатын. Мектеп тарихын еске ала отырып өзінің жазбаларымен бөлісіп, мерейтойдың аталып өтуіне себепші бола білді. Мен осы орайда аудан көлемінде аталып өткен 100 жылдық мектеп үшін айтулы күннің жоспарланғандай жақсы өтуі ұстаздардың еңбегі деп нық сеніммен айта аламын. Ұстаздарды қолдау оларға қамқорлық жасау үшін мәртебелерін асқақтату да үлкен мәртебе. Облыстан арнайы алғыс айтып мұғалімдердің еңбегін бағалаған қамқоршыларымыз бар екенінің бір дәлелі осы болса керек. Ақтасты орта мектебінің ұжымының атынан Білім және ғылым қызметкерлерінің «Демеу» Алматылық жергілікті кәсіподағы қоғамдық бірлестігінің төрағасы Естенов Тоққожа Естенұлына ерекше алғысымызды айтамыз.
Тоққожа Естенұлының қолдауымен ұстаздарымыз Білім және бюджеттік ұйымдар қызметкерлерінің салалық кәсіподағы төсбелгісімен мектеп директоры Қымбат Қамбарбекова Тоғызбайқызы,
Білім ғылым және бюджеттік ұйымдар қызметкерлерінің салылық кәсіподағының Құрмет грамотасымен Айша Керімқұлова Мұқанқызы, Жазира Қанаева Мұхамеджанқызы,
Білім және ғылым қызметкерлерінің жергілікті кәсіподағы «Демеу» қоғамдық бірлестігінің Құрмет грамотасына Гүлім Ақынбай Әбенқызы, Жанат Адасбаев Құрманұлы, Мақанбаева Айгүл Тұрлыбайқызы марапатталып ұстаздардың мәртебесі тағы бір рет асқақтады. Аудандық «Қорғау» филиалының төрағасы Көпжасар Нұрлыбайға да алғысымыз шексіз.Қорғаушысы бар, қолдаушысы қасында болатын ұстаздар әрқашан биік белестерді бағындырары сөзсіз демекпін.2019 жылдың күз айында мені кәсіподақ төрайымына тағайындаған мекеп басшысы Нұргүл Қырықбайқызына алғысымды айтқым келеді.
Ғасыр толған-білім ордасының аты тарихта қалуы үшін аянбай қызмет еткен мектеп басшысы Қымбат Тоғызбайқызы, алғашқы әскери жетекші Қанат Кеңесжанұлы, тәрбие ісі жөніндегі орынбасар Советхан Мәлікқызы, оқу ісі жөніндегі орынбасар Айша Мұқанқызы, психолог Дина Мәлікқызы, пед ұйымдастырушы Гүлім Әбенқызы және аттары аталмай кеткен ұжым мүшелерінің еңбектері зор. Ұжым әрқашан бірлікте болып, тапсырылған жұмыстарды жұмылған жұдырықтай атқара білген Ақтасты орта мектебінің ұжымына да алғысым шексіз. Мен осындай ұжым мүшелерімен мақтанамын!
Гүлзира Алпарова.
«Ақтасты орта мектеп» коммуналдық мемлекеттік мекемесінің химия пәнінің мұғалімі, кәсіподақ төрайымы.
