БОЗ КІЛЕМ ҮСТІНДЕГІ ЖЕКПЕ – ЖЕК

Жарманұлы Тама бабаны еске алуға арналған 2010 – 2011 жас аралығында туылған жасөспірімдер арасында дзюдодан Республикалық жарыс өтті

Жарманұлы Тама бабамыз он жетінші ғасырдың аяғы, он сегізінші ғасырда өмір сүрген ғұлама ойлы, елі мен жерін, халқының қамын ойлаған тұлға болған. Жуырда Жетісудың жерұйығында өмір сүрген Жарманұлы Тама бабаны еске алу барысында Кеген ауылындағы орналасқан спорт кешенінде 2010 – 2011 жылы туылған жасөспірімдер арасында дзюдодан Республикалық жарыс өтті.
Президентіміз Қасым- Жомарт Кемелұлы Тоқаевтың елімізде бұқаралық спорт пен дене шынықтыру саласын дамытуды тапсырған
болатын. Кеген ауданы әкімі Нұрбақыт Молдахметұлының қолдауымен аудан көлемінде спорттық шараларға ден қойылуда. Өскелең
ұрпақты спортқа баулу, «спорт- денсаулықтың кепілі» екенін түсінген Тама баба ұрпақтары жыл сайын аудан, облыстық жарыстар ұйымдастырып өңірге үлгі болуда. Төртінші жылы қатарынан ұйымдастырылып отырған дзюдодан жасөспірімдер арасында өткен боз кілем үстіндегі дода соның үлгісі деуге болады.
Жарысқа республиканың Алматы, Жамбыл, Абай, Қызыдорда облыстарынан сайдың тасындай іріктелген споршылар боз кілемде екі жүзге тарта жасөспірім қатысып, күштерін сынады. Жеңіске жеткен жеткіншектерге Тама баба қоры ұйымдастырыған алтын, күміс, қола медалдар мен ақшалай және дипломдар табыс етілді. Жарысқа қатысқан жасөпірім споршыларға ақсақалдарымыз ақ батасын берсе, Тама баба атындағы қордың директоры Манат Исенбаев ізгі тілегін білдіріп, барлық ұйымдастырушылардың атынан жеңімпаздарға ақ жол тіледі.

Нұрболат ТАСТАНҚҰЛОВ,
Қарқара