«Музейге сый-2025» АКЦИЯСЫ ШЕҢБЕРІНДЕ
Кеген аудандық тарихи-өлкетану музейінің «Музейге сый» акциясы аясында көне жәдігерлерді оның ішінде музей экспозициясында орын алған қайраткерлер мен тұлғалардың жеке заттарын музей қорына тапсыру шараларын зерттеп, байланыс орнатып,музей қорына алуды ұйымдастыру музейдің ғылыми-зерттеу жұмыстарының нәтижесі болып табылады.
Акция азаматтарды тарихымызда алтын әріптермен жазылып қалған танымал тұлғалардың жеке заттары мен ттарихи жәдігерлерін музей қорына тапсыруға, ұлттық тарихи-мәдени мұрамызды жинақтауға үгіттейді. Бұл күн «Музей» деп аталатын айрықша мәдени ортаның шынайы жанашырларының мейрамы іспеттес.
Осы жұмыстардың нәтижесінде, туғанына 95 жыл толуына орай ғұмыр бойы ауданның өсіп-өркендеуіне қосқан үлесі үшін Қазақстан Республикасы Президентінің екі мәрте Алғыс хаты, «Құрмет» ордені марапатталған, Қазақстан Республикасының Құрметті ардагері, Алматы облысының және Райымбек ауданының Құрметті азаматы Совет Оразаевтың жеке заттары музей қорына ұрпақтары музейге аманаттады. Тұрақты орны, қауіпсіз жері осы деп білді.
Оразаев Совет 18 қаңтар 1930 жылы Ұзынбұлақ ауылында дүниеге келген. Білімі жоғары, педагог. 1951 жылы ҚазПИ-ді бітіріп, еңбек жолын Балқаш ауданында мұғалім, оқу ісінің меңгерушісі болып бастады. 1954-1958 жылдары Кеген аудандық комсамол комитетінің хатшысы, аудандық мәдениет бөлімінің меңгерушісі болып еңбек етті.
1960-1965 жылдары Жалаңаш орта мектебінің директоры, 1965-1973 жылдары Кеген аудандық партия комитетінің үгіт-насихат бөлімінің меңгерушісі жұмыс жасады.
1973-1990 жылдары Кеген аудандық халықтық бақылау комитетінің төрағасы қызметін атқарып жүріп абыроймен зейнет демалысына шықты.
1990 жылдың ақпан айынан Райымбек аудандық ардагерлер мен ақсақалдар кеңесінің төрағасы болды.
Музейге жиналған тың жәдігерлер арнайы көрмеге қойылып, қоғам назарына ұсынылмақ.
Осы орайда, ұрпақтарына ұжым атынан білікті дәрігер Рита Советқызы мен келіні Асылбекова Нағима апайларымызға алғысымызды білдіреміз.
Кеген аудандық тарихи-өлкетану
музейінің ғылыми қызметкері
Уржигитова Меруерт Ермағамбетқызы
