ШАХМАТ додасындағы бәсеке

Шахматтан Алматы облысының Спорт және Туризм – денешынықтыру бөлімінің ұйымдастыруымен Кеген ауылындағы Өжек Жаңабаев атындағы мектепте шветтік тәсілмен, сегіз жастан, сексен жасқа дейінгі «Жылдам шахматтан Алматы облысы кубогінің 4 – кезеңі» додасы өтті. Жарысқа облыс өңірінен екі қала, жеті ауданнан 140 тан асатын жасөспірімдер мен ардагерлер шахматтан ойын өрнегін көрсетіп, бақтарын сынға салды. Таңнан қара кешке дейін созылған шахмат жарысына Алматы облысынан жатықтырушылары мен Кеген ауданының Туризм және спорт бөлімінің басшысы Гайдар Мұқанқожаев сөз сөйлеп шахматшыларға арналған жарыс тұғырында жеңіске жетулеріне ізгі тілегін білдірді. Тартысты өткен шахматшыларға тоғыз тур белгіленіп, жарыс швед тәсілімен өрбіді.
Жарыс нәтижесі:
8 жасқа дейінгі қыздар арасында бірінші орынды – Нұрлан Алия, Талғар ауданы; екінші орынды – Назар Айша, Талғар ауданы; үшінші орынды – Сарқытбек Жұпар, Талғар ауданы иеленді.
8 жасқа дейінгі ұлдар арасында бірінші орын – Қасымхан Тауекел, Талғар ауданы; екінші орын – Жолдыбек Алиби, Еңбекшіқазақ ауданы; үшінші орын – Даулет Дарменияр, Талғар ауданы иеленді.
10 жасқа дейінгі қыздар арасында бірінші орын – Буланбаева Нурия, Талғар ауданы, екінші орын – Шаяхмет Мерей, Іле ауданы.
10 жасқа дейінгі ұлдар арасында бірінші орын – Қайырбек Бексұлтан, Іле ауданы, екінші орын- Нұрлыбай Елнұр, Іле ауданы, үшінші орын – Нұрқазы Сардар, Талғар ауданы.
12 жасқа дейінгі қыздар арасында бірінші орын – Ерлікқызы Айшуақ, Талғар ауданы, екінші орын – Газиева Амина, Талғар ауданы, үшінші орын – Буланбаева Дария, Талғар ауданы.
12 жасқа дейінгі ұлдар арасында бірінші орын – Несіпбай Ералы, Талғар ауданы, екінші орын – Айдынұлы Нұрдаулет, Іле ауданы, үшінші орын – Биет Нұрбек, Талғар ауданы.
14 жасқа дейінгі қыздар арасында бірінші орын – Назар Амина, Талғар ауданы, екінші орын – Нұрқазы Көгершін, Талғар ауданы, үшінші орын – Ержанқызы Зарина, Кеген ауданы.
14 жасқа дейінгі ұлдар арасында бірінші орын – Ермухан Әділет, Талғар ауданы, екінші орын – Нұрхан Бағлан, Қарасай ауданы, үшінші орын – Тілеубай Нұржан, Талғар ауданы.
16 жасқа дейінгі қыздар арасында бірінші орын – Қадыр Мадина, Талғар ауданы, екінші орын – Жұмабаева Ақерке, Қарасай ауданы.
16 жасқа дейінгі ұлдар арасында бірінші орын – Садық Шынтемір, Қарасай ауданы, екінші орын – Акеша Айбар, Райымбек ауданы, үшінші орын – Ұлан Айқын, Райымбек ауданы.
18 жасқа дейінгі ұлдар арасында бірінші орын – Орынбасар Алихан, Талғар ауданы.
Ерлер арасында бірінші орын – Нұрмұхамедов Ерлан, Талғар ауданы, екінші орын – Ыдырысов Абдықасым, Кеген ауданы, үшінші орын – Тұрсынбай Айдос, Райымбек ауданы иеленді.
Жарыс жеңімпаздары мен жүлдегерлері медаль және тиісті дәрежелі грамотамен марапатталды.
Шахматтың шығу тарихы адамзат баласы дәуірлеген ерте заманда патшалық қауымдастықтан басталған деген пәлсапа айтылады. Парсылар ойлап тапқан деген тұжырымда жоқ емес. Кім ойлап тапсада шахмат ойынында мыңнан астам жүріс тәсілі бар дегенді естігеніміз бар. Елімізде әлемге әйгілі шахмат королдары көптеп саналады. Шахмат ойыны адамзат баласының ой – өрісін шыңдап жылдам ойлау тәсілін шыңдай түседі дегенін бүгінгі жасөспірімдер арасынан байқап та қалдық. Өрімдей өрендеріміздің ертеңі жарық, болашағы жарқын алдағы алар шыңдары биіктей берсін деген ізгі тілегімізді білдірдік.

Нұрболат
ТАСТАНҚҰЛОВ.
Қарқара газеті.