Халықтық штаб «Алатау жарық компаниясы» ұжымымен кездесті

⚡️Халықтық штаб «Алатау жарық компаниясы» ұжымымен кездесті

АЭС салуды қолдау жөніндегі өңірлік Халықтық штаб мүшелері «Алатау жарық компаниясы» ұжымымен кездесу өткізді. Кездесу барысында Қазақстанның энергетикалық қауіпсіздігін қамтамасыз ету, көміртегі бейтараптығына жету жолдары және АЭС құрылысының артықшылықтары туралы сөз қозғалды.

Штаб өкілдері атом электр станциясының көміртегі шығарындыларын азайтуға, жаңа жұмыс орындарын құруға және аймақтық инфрақұрылымды дамытуға қалай ықпал ететінін атап өтті.

💬«Атом электр станциясы – біздің елдің энергетикалық болашағына сенімді қадам. Ол энергетикалық тәуелсіздікті нығайтып, экологиялық жауапкершілікті арттырады», – деді Халықтық штаб мүшесі Бақытжан Бағашаров.

Кездесуге қатысушылар өздерінің сұрақтарын қойып, АЭС құрылысының елдің энергетикалық болашағына қосатын үлесі туралы кеңінен ақпарат алды. Халықтық штаб қоғаммен ашық диалог жүргізуді жалғастырады және алдағы уақытта да осындай кездесулер өткізуді жоспарлап отыр.