Бағбаншы бағындағы береке

Кегенде картоптан басқа өнім өспейді деген ұғымды бағбаншы Берік Исаев пен Бейбітгүл Оспанова жоққа шығарды. Олай дейтініміз Кеген ауылының тұрғыны Берікпен Бейбітгүл тұрғын үй жанына шағын бау – бақша егіп, әр түрлі жеміс ағаштары, алма, өрік, лимон, тау қарақаты мен құлпынай өсіп қазіргі кезеңде жемісін беруде. Ауладағы шағын жылыжай жанында сан түрлі гүлдердің исі жұпар шашып ауласына көрік беріп тұрғанын байқадық. Ромашка, шток роза, георгин, хризонтемма, қыркүйек тау гүлі, астра гүлдері кезең – кезеңімен гүл атып, жұпар шашып тұр. Ертемен қыймылдап кеш жататынын өздеріде жасырмады. Кезінде Берік Исаев 1993 жылы Кеген аудандық ішкі істер бөлімінің күзет бөлімінде 1998 жыл аралағында патрульдік полиция тобының инспекторы қызыметін атқарды. Мамандығын сүйе білген полицей Берік Исаев талай ер ісіне тән ерліктерге бой алдырғаны шындық, істеген әр ісін әріптестері мақтан тұтады. Қазіргі уақытта полицей ардагері, бейнеттің зейнетін көріп отыр. Көрсеткен ерлік істері кейінгі ұрпаққа үлгі өнеге екенін айта кеткен жөн. Кеудесінде ерен ерлігі үшін алған медалі жарқырап тұр. Жұбайы Бейбітгүл Оспанова Кеген аудандық санитарлық эпидемиологиялық бақылау бөлімінің жетекші маманы. Бір мекемеде отыз екі жыл еңбек еткен тәжірибелі маманның бірі. Ұжымында құрметке бөленген ерекше тұлға деуге болады. Мемлекеттік жұмысты қатар ала жүріп уақытты бос жібермей бағбаншылық кәсіпке ден қоя отырып агрономиялық бағыт бағдарды меңгерген шебер қол деуге лайық жандар.
Кәсіпкер Беріктің сөзіне қарағанда өсірген жемісіміздің өнімінің көп болуы биылғы ылғалдың нормадан артық түсуінде дейді бағбаншы. Жерге түскен әр бір дән ырызғы екенін жасырмады. Бізде өнегелі отбасына амандық саулық тілеп, істеген істеріңіз алға баса берсін деген ізгі тілегімізді білдірдік.

НҰРБОЛАТ ТАСТАНҚҰЛОВ,
Қарқара.