Кегеннің келбетін аша түсті
Кеген өңіріне табан тіреген әрбір азамат аспантаумен астасқан аппақ мақтадай бұйра бұлттары, сұлу мекенге сұлулық сыйлап тұрғанын көргенде ерекше күйге енетіні анық. Қайқы кезеңінен аса бергеніңізде, ұзақ жол жүріп шаршағаныңызды сап басатын салқын ауасы көңіл күйіңізді көкке көтеріп тастайтыны өтірік емес. Еңісінен еңкейіп,өрісінен өрлей түскеніңізде айналаны қоршаған қарағайлы тауымен, масаты кілемдей жасыл желегі өзіме кел дегендей құшағын жая түседі. Кеген өзені ағысын баяулатып бар әсемдікті бойына жиып алып, қимай қош айтқандай төмен жылжи береді. Осынау сұлу өлкенің тумасы болғаныңды іштей мақтан тұтып марқайатынымыз бар. Кеген ауданы төрттің түлік төрі десе жаңыла қоймаймыз.
Осынау сұлу өлкенің ожданды азаматтары бірігіп, аудан экономикасымен мәдениетінің дамуына өз үлестерін қосып жатқанына қуанбасаң ренжімейсің-ау. Солардың бірі де бірегейі, кәсіпкер Зәуреш Нұрғалиқызын айтуға болады. Кегенге кіреберіс өзен жағалауынан бір гектар жер тілімін алып, «SEM-BEK – ETNO AUYL» атты демалыс орнын ашты. Қаз – қатар ақ боз үйлер тігіліп ауылдың көркін кіргізді.
«SEM-BEK» ETNO ауылдың ашылу салтанатына Кеген ауданының әкімі Нұрбақыт Теңізбаев, Зәуреш Нұрғалиқызы лентасын қыйды. Ауылдың атқа мінер қызметкерлері мен тұрғындары жылы лебіздерін айтып, ақсақалымыз Лехан Тастанов ақ батасын берді. «SEM-BEK» – ETNO AUYL аудан халқы мен ауданымызға табан тіреген туристердің көңілінен шығады деген ойдамыз. Осы ауданға қарасты көрікті Көлсай, «Қайыңды» көлдерімен «Шарын» шатқалы, шығысынан орын тепкен «Құмтекей» құмы келуші туристерді таңғалдырса, Ақтасты петроглифтері, тастағы жазу тағыда Үйсін қорғандары әлі де зерттеулерді күтіп отырғаны шындық.
«SEM-BEK» – ETNO AUYL демалыс орны алдағы уақытта балалардың демалуы үшін ойын алаңы, алтыбақан, гүлзарлар мен шыршалар отырғызатынын білдік. Кәсіпкер Зәуреш Нұрғалиқызының айтуы бойынша өзен жағалауынан ауыл халқының жайлы демалуына көл жасалып, балық шаруашылығы ұйымдастырылатынын айтты. Әлі де қолда бар мүмкіншілікті дамытып, жұмыссыз жүрген жастарға жұмыс беретінін жасырмады. Әсіресе ұлттық құндылықтарымыз жаңғыртылып келген туристердің көңілінен шығатын боламыз – дейді кәсіпкер Зәуреш Нұрғалиқызы.
Көріпте жүрміз алыс жақыннан келіп жатқан құда-жегжат, тағыда басқа қонақтарымызды ашық аспан астында қарсы алып қиындықтарды бастан кешкенімізді жасыра да алмаймыз. Бізде ашылып жатқан этно ауылымызға құтты болсын айтып, істегелі жатқан істеріңізге оңшылық болсын деген тілегімізді білдірдік.
Нұрболат ТАСТАНҚҰЛОВ,
Кеген ауданы.
Суреті бар.
