Қазынашылық органдарының құрылғанына 30 жыл

20

Жуырда Аудан әкімі Қазынашылық органдарының құрылғанына 30 жыл толуына орай қазынашылық жүйесінің қызметкерлерін қабылдап, арнайы кездесу ұйымдастырып төл мерекелерімен  құттықтады.

Жиынға аудан әкімдігінің экономика және бюджеттік жоспарлау бөлімі, қазынашылық басқармасының қызметкерлері қатысты.

Жиында сөз алған аудан әкімі Нұрбақыт Теңізбаев,- сіздерді Қазынашылық органдарының құрылғанына 30 жыл толуымен құттықтаймын.

Осы жылдар ішінде Қазақстан Республикасының Қазынашылығы мемлекеттік қаржыны басқарудың тиімді институты ретінде өтті, қаржы-бюджет саласының сенімді жұмыс істеуін қамтамасыз ету үшін көп жұмыс жасадыңыздар.

Осындай жауапты міндеттерді шешу қазынашылық қызметкерлерінен жоғары құзыреттілікті, мінсіз жеке қасиеттерді, іске берілгендікті талап етеді. Алдағы уақытта да адал еңбек етіп, кәсіби дәстүрлерді арттырып, өз жұмыстарыңызбен ауданның әрмен қарай дамуының басым бағыттарын іске асыруға жәрдемдесетіндеріңізге сенімдімін.

Қазынашылық жүйесі өзінің қызметінде барлық деңгейде тиімді мемлекеттік қаржыны басқарудың ақпараттық негізі екенін, сондай-ақ бюджеттің орындалуын қатаң бақылауға ала отырып, дамыған қаржы институты екенін көрсете білді. Мұның бәрі қазынашылық қызметкерлерінің сауатты және білікті жұмысының арқасында жүзеге асырылып отыр.

Сіздерге экономикалық және әлеуметтік міндеттерді шешуге ықпал еткен адал еңбектеріңіз үшін шынайы ризашылығымызды білдіреміз,- деп аудан әкімі сөзін аяқтады.

Сонымен қатар қазынашылық жүйесіне қосқан үлесі үшін қызметкерлерді аудандық қазынашылық басқармасының басшысы Омарбекова Ғайсагул Тұрғанқызы құттықтап, әріптестеріне ыстық лебізін білдірді.

Ұжым мамандары өз міндеттерін табысты орындап, бюджет қаржысының уақтылы өтуін қамтамасыз етеді. Қазақстан қазынашылығы алдында тұрған міндеттерді сіздердің жоғары кәсіби қасиеттеріңіз, тәжірибелеріңіз, ең озық технологияларды енгізу мен дәстүрге адалдықтарыңыз табысты түрде шешуге мүмкіндік береді және Кеген ауданының игілігі үшін адал еңбек етуге деген ықыластарыңыз сіздің жұмысыңызда басты бағыт болып қала береді,- деп сөзін түйіндеді.

Жиынға қатысқан  экономика және бюджеттік жоспарлау бөлімінің және  қазынашылық басқармасының қызметкерлерін аудан әкімі Нұрбақыт Теңізбаев ауданның дамуына үлесін қосып жүрген қызметкерлерді аудан әкімінің «Құрмет», «Алғыс хаттарымен» марапаттады